Инстаблогер Марям Тиллаева россиялик телебошловчи Ляйсан Утяшевага берган интервьюсида турмуш ўртоғи, Россиянинг машҳур блогерларидан бири Амиран Сардаров билан муносабатлари, АҚШда Майкл Жексоннинг фарзандлари билан бир мактабда ўқигани, мактаб йиллари, ота-онасининг Амиран Сардаров билан никоҳига муносабати, Голливуд юлдузи Энтони Ҳопкинс билан бир фильмда рол ўйнагани ҳақида гапирди.
Амиран Сардаров билан муносабатлари ва иккинчи имкониятни бериши ҳақида
«Бу инсон биз у ҳақда гапиришимиз учун арзимайди. Бу мавзуга нуқта қўйдим. Бошқа гапиришни истамайман. Эсимдан чиқариб, йўлимда давом этмоқчиман. Бу муносабатлар мен учун катта тажриба бўлди. Рафиқа бўлиш нималигини, ўзингни ҳурмат қилиш қанақа бўлишини ўргандим», — дейди инстаблогер.
Ота-онасининг Амиран Сардаров билан никоҳига муносабати
«Амиран билан АҚШдаги базмда танишганман. Ота-онам бошида бизнинг муносабатларимизга қарши бўлган. Лекин мен уларни эшитишни хоҳламаганман. Кейин агар шу йўлни тўғри деб билсанг, майли қарор қабул қил, дейишган. Сен истаганингдек бўлсин, лекин қаердадир бизнинг ёрдамимиз керак бўлса, биз ёнингдамиз, дейишган», — дейди Марям Тиллаева.
Марям Тиллаева Тошкентдан Швейцарияга кўчиб ўтгани ҳақида
«Жуда ҳам қийин кечган, чунки барча болалар француз бўлган. Мен эса гапирмасдан юрганман, мослашишим бироз қийин бўлган. Аммо маълум вақт ўтгач улар билан мулоқотга киришишим учун бу тилларни ўрганишимга тўғри келган», — дейди Марям Тиллаева.
Туғилган кунида онаси торт пишириб бергани, бироқ уни ҳеч ким емагани ҳақида
«Туғилган куним эди, онам шоколадли торт тайёрлаб берган. Мен синфга кириб синфдошларимга тортни кўрсатмоқчи бўлганимда, синфимдаги қизлар ҳеч ким унинг тортини емасин деб айтган. Ўтириб тортни ўзим еганман», — дейди инстаблогер.
АҚШда Майкл Жексоннинг фарзандлари билан бир мактабда ўқигани
«АҚШдаги мактабда ўқиганимда, ўшанда 14 ёшда, ўтиш даврида эдим. Менга у ер ёққан. Дўстларим ўқийдиган мактабга бордим. Умуман олганда, бошқа-бошқа дунёқарашлар, болалар, мен маданиятнинг кўп қисмини шу ердан ўргандим. Мен ўқиган мактабда жуда кўп машҳурларнинг фарзандлари ўқир эди, масалан Майкл Жексоннинг фарзандлари ва яна бошқалар. Ота-онам мени машҳурларнинг уйига ташлаб кетган ва шу орқали улар билан яқиндан танишишни истаган. Укам актриса Ҳелли Беррининг қизи билан дўст бўлган», — дейди инстаблогер.
Голливуд юлдузи Энтони Ҳопкинс билан бир фимда рол ижро этгани
«Энтони Ҳопкинс билан бир фильмда рол ижро этганман. Атиги бир дақиқалик эпизод бўлган. Менинг бир дўстим бор, режиссёр, исми Матео. У менга ўзимни актрисаликда синаб кўришим ҳақида гапирган», — дейди инстаблогер.
Мавзуга доир:
- Instagram: Ёшларга танбеҳ берган Муниса Ризаева, қўшиқ куйлашда давом этадиган Дилдора Ниёзова, Марям Тиллаевага турмуш ўртоғининг сюрпризи.
- Instagram: Туғуруқхонадан чиққан Баҳора Арслонова, Марям Тиллаеванинг эри ҳақидаги янги баёноти, Канн кинофестивалида қатнашаётган ўзбекистонлик машҳурлар.
- Instagram: Ўзбекистонни тарк этган Алишер Узоқов, эри билан ярашганини инкор этган Марям Тиллаева, Озода концертидаги ғайриоддий ҳолатлар.
- Марям Тиллаева турмуш ўртоғи Амиран Сардаров билан ярашиб олганини маълум қилди.
Изоҳ (0)