Warner Bros киностудияси бюджети 90 миллион доллар бўлган «Betgerl» комикси премьерасини бекор қилди, фильм нафақат кинотеатрларда, балки у суратга олинган HBO Max стриминг хизматида ҳам намойиш этилмайди. Бу ҳақда Variety нашри хабар бермоқда.
Warner Bros Discovery билан бирлашгандан сўнг, эътиборни махсус лойиҳаларга эмас, балки ДC олами ҳақида театрлаштирилган блокбастерларни яратишга қаратмоқда. Қайд этилишича, ушбу қарор фақатгина бу фильмлар билан боғлиқ эмас.
Кинокомпания бюджети 40 миллион долларлик «Holiday Haunt» фильмининг давоми «Skubi-Du!» кинокартинасини чиқаришни ҳам бекор қилди. Фильм шу йилнинг декабрь ойида тақдим этилиши керак эди.
«Лесли Грэйс — ажойиб истеъдодга эга актриса ва бу қарор унинг ижроси билан боғлиқ эмас. Биз ‘Betgerl’, ‘Дам олиш маскани’ ижодкорлари ва уларнинг актёрларидан миннатдормиз. Яқин келажакда улар билан яна ҳамкорлик қилишни орзиқиб кутамиз», — дейди Warner Bros компанияси раҳбари.
Variety нашри компаниянинг бу қарорини ҳайратланарли деб атади, чунки студиялар деярли ҳеч қачон фильм премьераларини бекор қилмайди, ҳеч бўлмаганда ўз сармояларидан даромад олишни афзал кўради. Нашр шунингдек, Warner Bros 2023 йилда кинотеатрларда намойиш этилиши кутилаётган «Флеш» («The Flash» кинофильми) ҳақида ҳам қарор қабул қилмаган. Бош рол ижрочиси Эзра Миллерга нисбатан тажовузкор хатти-ҳаракатлар ва таъқиблар ҳақидаги кўплаб айбловлар кинофильмни тарғиб қилишга жуда салбий таъсир кўрсатди.
Мавзуга доир:
- Warner Bros компанияси «Дюна» фильмини 14 та йўналиш бўйича «Оскар» мукофотига илгари сурди.
- «Сумерки» юлдузи Роберт Паттинсон Warner Bros. кинокомпаниясида продюсер сифатида иш бошлайди.
- Warner Bros 2021 йилда премьералар бир вақтнинг ўзида кинотеатр ва онлайн эфирда намойиш этилишини маълум қилди
- Warner Bros кинокомпанияси фильмда ёвуз қаҳрамон бармоқларсиз тасвирлангани учун имконияти чекланганлардан узр сўради
Изоҳ (0)