«Спартак» футболчиси Остон Ўрунов юқори маоши сабаб жамоани тарк этишни истамаяпти, дея хабар беради «Спорт24».
Ўрунов москваликлар таркибида ойига 50 минг евро маош олади.
«Қизил-оқлар»нинг собиқ спорт директори Лука Каттани ўзбекистонлик футболчини «Торпедо»га таклиф қилган.
Остоннинг «Спартак» билан шартномаси 2025 йилга қадар мўлжалланган. Ярим ҳимоячи 2020 йил ёзидан буён Москва клуби шарафини ҳимоя қилади. Футболчи «қизил-оқлар» сафида 9 та ўйинда иштирок этиб, битта гол муаллифига айланган.
Аввалроқ Ўруновга «Химки», «Навбаҳор» ва «Истиқлол» клубларидан таклиф борлиги хабар қилинганди.
Transfermarkt Ўруновнинг нархини 700 минг еврога баҳоламоқда.
Изоҳ (0)