Бугун,

  • USD 11095.31
  • RUB 173.84
  • EUR 10772.44

Ўзбек шоу-бизнесининг шундай вакиллари борки, улар турмуш ўртоғини ўзига таниш бўлган инсонлар сафидан ёки ҳамкасблари орасидан эмас, мухлислари орасидан топган. «Дарё» мухбири Насиба Абдухамидова ўзбек шоу-бизнесидаги ўз мухлислари билан турмуш қурган машҳурлар ҳақида маълумот беради.

Сардор Тоиров

Хонанда Сардор Тоировнинг тўйи 2022 йилнинг 27 март куни, пойтахтдаги ресторанларнинг бирида, ўзбек шоу-бизнесининг кўплаб таниқли санъаткорлари иштирокида бўлиб ўтди. Хонанда ўз рафиқасини мухлислари орасидан топган. Унинг рафиқаси Хумора Тоирова турмуш ўртоғининг мухлиси бўлганини, клип учун эълон қилинган кастинг сабабли танишиб қолгани ҳақида гапириб берди.

«Биринчи марта у кишини аммамнинг уйига борганимда, 2017 йилда Баҳром Назаровнинг концертида чиқиш қилганида кўрганман. Концертдаги чиқишини қайта-қайта қўйиб, 6 марта кўрганман. Кўнгил сезганми, билмадим. Кейин бир куни қариндош опам нашид айтган бир болани кўрсатган, у киши билан нашид айтган бола бир эканини кейин билганман. Нашид айтганини кўрганимда уни турк ёки араб миллатига мансуб деб ўйлаганман.

Орадан вақт ўтиб (бу гапларни анча вақтдан кейин айтиб берган) 2018 йил клипига кастинг эълон қилган, шунда менинг ҳам расмимни кўрсатишган. У пайт 14 ёш эдим, табиийки, режиссёрлар ёшлигимни айтган. Барибир дадам ҳам рухсат бермас эди. Турмуш ўртоғимда расмимни кўриб, илиқлик пайдо бўлган экан, гўёки кимдир шу сенинг аёлинг, деб айтаётгандек туюлган. Номеримни топиб сақлаб қўйган, бироқ ёзмаган. Шу билан орадан бир йил вақт ўтди, 2019 йил 1 декабрь соат кундузги 11:00 лар атрофида эди. Мактабда дарсда эдим, Instagram саҳифамда 13 та расмим бўлса, ҳаммасига лайк босган, кўриб ҳайрон бўлганман. Одатда у киши кимгадир лайк босса, direct’ига миннатдорчилик билдириб ёзишар экан, мендан ҳам шуни кутган экан, бироқ мен ёзмаганман. Бундай масалаларда жуда ҳам сабрли инсон, кутган, охири direct’имга ёзган» , — дейди Хумора Тоирова.

Шароф Муқимов

Шароф Муқимов ўзининг сурхондарёлик мухлиси билан турмуш қурган. Хонанданинг турмуш ўртоғи Ҳуснора улар концертда танишиб қолганини, клип суратга олиш жараёни сабаб муносабатлари юзага келганини айтган. Ҳуснора Шароф Муқимовнинг мухлисаси бўлган. Жуфтлик турмуш қурганига қадар синовлардан ўтган. Уларнинг биринчи фарзанди — Шавкатов Тохиржон 2021 йилнинг 19 декабрь куни дунёга келган.

Фото: Instagram /@hailey__47

Фото: Instagram /@hailey__47

«Уммон» гуруҳининг собиқ аъзоси Шоҳрух

«Уммон» гуруҳининг собиқ аъзоси Шохруҳ MY5 телеканалининг «Омон-омон» кўрсатувига берган интервьюсида рафиқасини Instagram орқали топгани, турмуш ўртоғи унинг мухлиси бўлгани ва мусиқаларини яхши кўриб тинглагани ҳақида айтган.

«Тўйимиз 2016 йил бўлган, биз эса 2013 йил танишганмиз. Турмуш ўртоғим у пайтда коллежда ўқирди, жиянимнинг курсдоши бўлган. Жияним сабаб танишиб қолганмиз, бир куни жияним курсдошлари билан тушган суратини саҳифасига жойлади, шунда ўша расмдан кўриб, ёқтириб қолганман. Шу қиз меники бўлади, деганман. Дарров жиянимга телефон қилиб, бу қизнинг ким эканини сўраганман. У эса курсдошим, яхши қиз деб айтган. Кейин танишиб, турмуш қурганмиз. Ижодимдан хабардор бўлган, мусиқаларимни яхши кўриб тинглаган. Кейин билсам, унинг уйига хизматга борган эканмиз, менга расмларни ташлаган» , — дейди хонанда.

Фото: «Yandex.ru»

Фото: «Yandex.ru»

Даврон Кабулов

«Миллион» кулги жамоасининг аъзоси, телебошловчи Даврон Кабулов турмуш қуришидан олдин 614 та қизнинг номзодини кўриб чиққан. У «Муҳаббат қиссалари» кўрсатувига берган интервьюсида турмуш ўртоғи унинг мухлиси бўлгани ҳақида гапирган.

« ‘Афрўз’ гуруҳининг аъзоси Жамшиднинг тўйида битта қиз дугоналари билан расмга тушсак бўладими, деб олдимга келган. Бизни расмга олаётган қизга сен ҳам тушиб ол, деган. Мухлисим бўлганини тўйдан тўрт ой ўтиб айтган. Мен сезмаганман буни, чунки учрашган пайтларимизда ҳам мени танишига ишонмаганман» , — дейди Даврон Кабулов.

Фото: «Yandex.ru»

Фото: «Yandex.ru»

Дилноза Кубаева

Актриса Дилноза Кубаеванинг марҳум турмуш ўртоғи унинг «Келгинди келин» фильмидаги ролини кўриб, ғойибона ёқтириб қолган. Кейин эса актрисадан дастхат олиш учун театрга келган. Дилноза Кубаева турмуш ўртоғи билан кўп яшамаган бўлса ҳам, ундан ҳамиша миннатдор бўлишини таъкидлаган.

«Турмуш ўртоғим 30 ёшда вафот этди. Шу инсоннинг розилиги учун вафотидан сўнг икки йил ижодий танаффус қилдим. Чунки у инсон шуни истаганди. Шукрки, Яратган олдида ҳам, ўғлим олдида ҳам виждоним тоза», — дейди актриса Дилноза Кубаева.

Фото: «Yandex.ru»

Фото: «Yandex.ru»

Мавзуга доир: 

Изоҳ
Асосий янгиликлар
Маҳаллий
Тошкент шаҳар Ободонлаштириш бош бошқармасига янги раҳбар тайинланди
Дунё
Грета Тунберг тўртинчи бор тинчлик бўйича Нобел мукофотига номзод бўлди
Маҳаллий