Ўзбекистонда 2022 йилнинг биринчи ярмида ажратилган ипотека кредитларининг энг юқори улуши Тошкент шаҳрида бўлмоқда. Бу ҳақда Марказий банк шарҳидан маълум бўлди.
Унга кўра, Тошкент шаҳрида йил бошидан бери 6,8 мингта ипотека кредитлари ажратилган. Бунда шаҳардаги 1 квадрат километрга тўғри келадиган аҳоли сони 8,6 минг нафарни ташкил этган.
Иккинчи ўринни Фарғона вилояти эгаллаган — 4 мингта. Куч учликни Тошкент вилояти 3,2 мингта ипотека кредити билан ёпиб берган.
Энг кам ипотека кредити Сирдарё вилоятига ажратилган — 773 та.
Ипотека кредитлари қолдиғи қуйидагича шаклланган:
- 330,3 млрд сўми — 7 йил;
- 3 трлн сўми — 10 йил;
- 13,8 трлн сўми — 15 йил;
- 23,2 трлн сўми — 20 йилгача ажратилган.
2022 йил 1 июль ҳолатига ажратилган ипотека кредитларининг 61,3 фоизи 5 та ҳудудлар ҳиссасига тўғри келади:
- Тошкент шаҳри — 2 трлн сўм;
- Фарғона — 595,7 млрд сўм;
- Самарқанд — 538,4 млрд сўм;
- Сурхондарё — 461,1 млрд сўм;
- Қашқадарё — 451,5 млрд сўм.
Ипотека кредитлари асосида уй-жойларнинг ўртача нархлари таҳлил қилинганда, хонадонларнинг нисбатан баландроқ нархи Тошкент шаҳрида (426,6 млн сўм), Сурхондарё (320,8 млн сўм) ва Самарқанд (307,7 млн сўм) вилоятларида шаклланган.
Нисбатан паст нархлар Хоразм вилояти (240,5 млн сўм), Қорақалпоғистон (245 млн сўм), Навоий (248,5 млн сўм) ва Қашқадарё (251 млн сўм) вилоятларида кузатилди.
Мавзуга доир:
Изоҳ (0)