Ўзбек шоу-бизнесида ўз ўрнига эга хонанда, бир қанча хит тароналар ижрочиси Шоҳруххон Миллий телеканалининг «М Коктейл» кўрсатувига берган интервьюсида клипларда яратаётган образи, сериалларда бош ролни ижро этиши 5000 долларга баҳолангани, қандай сериалларда суратга тушиши, Асал Шодиеванинг ижод қилишига муносабати, қайси хонандаларнинг мусиқаларини тинглаши, укаларининг нима сабабдан ўзи каби машҳурликка эришгани ҳақида гапириб берди.
Клипларда яратаётган образлари ҳақида
«Ёшлигимда кўп театрга борардим, сабаби онам шу ерда ишларди. Актёрликка, кинога қизиқишим бўлгани сабабли репитиция жараёнларида ҳам бирга бўлар эдим. Ўзимнинг мини фильмларим бўлишини хоҳлаганман, шунинг учун ҳар битта клипда ўзим ёқтирган образларни яратишга ҳаракат қиламан. Уларнинг қайсидир ёқса қайсидир ёқмайди. Баъзи клиплардаги образлар тасаввуримдан аъло даражада чиқади, баъзилари тасаввуримдан пастроқ бўлиб қолади» , — дейди Шоҳруххон.
Сериалларда бош ролни ижро этиши 5000 долларга баҳолангани ва қандай сериалларда суратга тушиши ҳақида
«Маҳоратимни юқори баҳоламайман. Шунчаки менга омад берилган. Сериалларга келадиган бўлсак, агар яхши сценарий бўлса текинга ҳам ўйнашга розиман. Агар менга ёқса унақа пул сўрамайман. Ёқмаса 5000 доллардан кўп берса ҳам ўйнамайман. Яқинда ўзим бошчилигимда бир кинони суратга олмоқчиман. Жамшид Хожиниёзов сценарийсини ёзмоқда, биз уни кутяпмиз. Насиб бўлса тез кунларда яхши сериални суратга оламиз деган умиддаман. Кинога бошчилик қиламан, бироқ режиссёр бўлмайман, сабаби ҳам актёр, ҳам режиссёрлик қилиш қийин бўлади. Шунинг учун режиссёр билан ҳамкорликда ишлаймиз» , — дейди хонанда.
Нима сабабдан Шоҳруххон мусиқаларида Гули исмини кўп ишлатади?
«Ёшлигимда ҳамма ‘Ал-Вакил’ни, Фаррух Зокиров билан Абдулла Қурбоновни мусиқаларини эшитишарди. Мен эса умуман бошқача мусиқаларни эшитардим, яъни чет эл мусиқаларини, Ботир Зокировнинг мусиқаларини яхши кўриб эшитардим. Уларнинг мусиқаларини орасида шунақа сўзлар кўп бўлган ва бу менинг онгимга мухрланиб қолган. Биз ҳар сафар яна Гули исми ишлатилди, деймиз, ҳозир чиқаётган янги таронамда ҳам шу исм ишлатилган. Ўйлашим бўйича сабаб ўша, эски тароналар сабаб шу исмни қўллайман» , — дейди Шоҳруххон.
Шоҳруххон Асал Шодиеванинг ижод қилишига рухсат берганми?
«Ҳозирги вазиятдан келиб чиқиб айтишим мумкинки, икки нафар фарзандимиз бор, Асал уларга қараши керак, ундан ташқари уйда ўзини ишлари бор, яна кўп ишлари бор, вақт бўлмагани учун ижодда бироз танаффус қилишга тўғри келди. Энди кейин қанақа бўлишини ўйлаб кўрамиз. Ижод қилишига рухсат ҳам, бадиий кенгаш ҳам бор» , — дейди хонанда.
Қайси хонандаларнинг мусиқаларини яхши кўриб тинглаши ҳақида
«Мен охирги вақтларда Юлдуз Усмоновани, Шерали Жўраевни яхши кўриб тинглаяпман» , — дейди Шоҳруххон.
Укаларининг нима сабабдан ўзи каби машҳурликка эришмагани ҳақида
«Мен бутун умримни санъатга бағишлаганман, уларда эса бу шунчаки машғулот. Бу соҳада кўнгли бўлгани учун юришади, лекин ярим кучда ишласа қанақа бўлса, шунақа. Ё у ёққа, ёки бу ёққа ўтиб олиш керак. Уларнинг ижодини ёмон деб бўлмайди, яхши, истеъдоди бор. Ҳали ёш, олдинда ҳаёт бор» , — дейди хонанда.
Мавзуга доир:
- Instagram: 135 минг долларга машина олган Шоҳруххон, илк марта она бўладиган Динейра, Baby Mohiга аталган сюрприз
- Instagram: Шоҳруххон ва Асал Шодиеванинг ҳашаматли хонадонига саёҳат, янги машина олган Дилдора Ниёзова, операцияни бошдан кечирган Лола
- Instagram: Паризода хонадонидаги қўшалоқ байрам, касал бўлиб қолган Муниса Ризаева, Дубайда концерт берган Шоҳруххон
- Instagram: Дурдона Қурбонова Имроннинг янги клипида чиқмаслигига изоҳ берди, Ганя Усмонова туғуруқхонадан чиқди, Шоҳруххон ва Асал Шодиева мусобақаси
Изоҳ (0)