Энгин Акюрек ва Эда Эже жуфтлиги, Италияда ресторан очаётган Жан Яман: турк ижодкорларининг янги лойиҳа ҳамда режалари (фото)

Сўнгги пайтларда таниқли актёрларнинг рақамли платформа лойиҳаларида иштирок этиши билан тобора кўпроқ янги сериаллар пайдо бўлмоқда. Бу ёш актёрлар учун ҳар томонлама фойдалидир, чунки уларга телелойиҳаларда рол ўйнаш имконияти берилади, деб ёзади «Яндекс Дзен».

«Уч опа-сингил»

«Оила учун» сериали мухлислари томонидан Каан сифатида ёдда қолган ва шу пайтгача атиги 3 та лойиҳада рол ўйнаган маҳоратли актёр Эрен Ўрен куз мавсумида бошланадиган «Уч опа-сингил» сериалида ёзги танаффусдан кейин яна экранларда пайдо бўлади.

Янги сериал жуфтлиги

Маълумки, ижтимоий тармоқлардаги актёрларнинг бир-бирининг аккаунтларига обуна бўлиши кўпинча янги лойиҳадан дарак беради. Шундай қилиб, Энгин Акюрек Эда Эженинг аккаунтига обуна бўлиши актёрлар Disney + нинг битта лойиҳасида бирга рол ўйнашлари мумкин деган тахминга айланди.

Серай Кая ва Берк Ўктай — янги лойиҳа «Ёруғлик нури» 

«Маҳбус» сериалидаги суратга олиш ишларини эндигина якунлаган Серай Кая ва «Қора ният» лойиҳасини тарк этган Берк Ўктай янги «Ёруғлик нури» лойиҳасида бош ижрочиларга айланди. Бу янги психологик драма бўлиб, баъзида ҳаётдаги энг оғир воқеалар кескин бурилиш нуқтаси ва ёруғлик нурига айланиши мумкинлиги ҳақида ҳикоя қилади. Суратга олиш ишлари Италия ва Туркияда бўлиб ўтади.

Жан Яман фаолият доирасини кенгайтиради

Жан Яман фаолият доирасини кенгайтиради. Адвокат, актёр, модель, парфюмер (ўзининг парфюмерия линиясини очди), ёзувчи (биографик китоб нашр этди) ва энди актёр ўзини ресторан соҳасида синаб кўришга қарор қилди.

У Италияда стейкхаус очишни режалаштирмоқда. Стейкхауслар – асосий таоми гўшт бўлган ресторанлардир. Маълумотларга кўра, Жан машҳур Нусрет стейкхауси билан рақобатлашишга қарор қилган. Бу асосан Истанбулдаги гўштли таомлар билан жуда машҳур бўлган ресторанлар тармоғидир. Жан Яман ўзининг янги лойиҳаси учун тахминан 3 миллион евро сарфлашни режалаштирмоқда.

«Муҳаббат тактикаси-2» фильмини суратга олиш ишлари бошланди

Демет Ўздемирда коронавирус тести манфий чиқди, шунинг учун «Муҳаббат тактикаси-2» фильмини суратга олиш ишлари 2022 йил 22 июлдан бошланди. Шунингдек, актриса яқинда бўлиб ўтадиган никоҳ базмини ҳам режалаштирмоқда.

Эркан Петеккаянинг янги лойиҳалари

Рейтинглари пастлиги сабабли бошидаёқ тўхтатилган «Сенга ваъда бераман» сериалида сўнгги марта телеекранларда пайдо бўлган Эркан Петеккая бу мавсумда бирданига 2 та лойиҳада иштирок этади. Бу «Кинога кел» фильми ва «Ўша қиз» сериалидир.

Иброҳим Халил Жейҳаннинг янги таронаси

«Ишончли» сериали мухлислари унда бош ролни ижро этган Иброҳим Халил Жейҳаннинг рақамли платформалар учун ёзган янги «Derin özledim» клипини томоша қилишлари мумкин. Актёрга концертлар учун кўплаб таклифлар тушмоқда.

Аммо Иброҳимнинг фикрича, концерт учун яна бир нечта қўшиқлар, жумладан, ўз композициясини тайёрлаш ва шундан кейингина профессионал мусиқий карьерасини қуриш керак. 2022 йил 22 июнь куни бўлиб ўтган трансляциянинг биринчи кунида клипни аллақачон YouTube’да 125 мингдан ортиқ обуначи томоша қилган.