Андижон шаҳрида қўшмачилик билан шуғулланиб келган аёл 18 июль куни қўлга олинди. Бу ҳақда вилоят Ички ишлар бошқармаси ахборот хизмати хабар берди.
Қайд этилишича, вилоят ИИБ одам савдоси ва ноқонуний миграцияга қарши курашиш бўлими ходимлари томонидан Андижон шаҳри ҳудудида тезкор тадбир ўтказилган. Унда шу шаҳарда яшовчи аёл П.З. ўз хонадонида Избоскан туманида яшовчи аёл Г.Г. ҳамда Андижон шаҳрида яшовчи аёл А.Р.га шаҳвоний мақсадларда фойдаланиш учун шарт-шароит яратиб бергани аниқланган.
Аёл холис мижоздан олдиндан олинган, кимёвий ишлов берилган 600 000 (олти юз минг) сўм пуллар эвазига мижоз билан жинсий алоқа қилиши учун барча шарт-шароитларни яратиб берган вақтда тадбир иштирокчилари томонидан қўлга олинган.
Фуқаро П.З.дан кимёвий ишлов берилган пуллар далилий ашё тариқасида холислар иштирокида олиб қўйилган. Ҳозирда ҳолат юзасидан терговга қадар текширув ҳаракатлари олиб борилмоқда.
Изоҳ (0)