МИБнинг Фарғона вилояти бошқармаси қидирув шўъбаси томонидан жорий йилнинг биринчи ярмида жами 721 нафар шахсга нисбатан қидирув олиб борилиб, уларнинг 423 нафари топилган. Бу ҳақда «Дарё»га бошқарма ахборот хизмати маълум қилди.
Қайд этилишича, улардан 1 миллиард 780 миллион сўмдан ортиқ алимент пуллари ундирилиши, тўловдан бўйин товлаган қарздорларга қонуний чора кўрилиши таъминланган. 159 нафар қарздорга нисбатан 15 суткалик маъмурий қамоқ жазоси тайинланган, 32 та жиноят иши қўзғатилган, 17 та оила яраштирилган.
298 нафар қидирувдаги шахснинг 222 нафари чет элда бўлиб, 76 нафари маҳаллий даражада қидирилмоқда.
Маълумот берилишича, 2022 йилнинг биринчи ярим йиллигида жами 99 та автотранспорт воситасига нисбатан қидирув тадбирлари олиб борилиб, шундан 50 таси топилган. Қолган 49 таси бўйича қидирув тадбирлари олиб борилмоқда.
Изоҳ (0)