Ўзбекистон профессионал бокс федерацияси Осиё WBC ташкилотига аъзо бўлди. Бу ҳақда ташкилот матбуот хизмати маълум қилди.
Бундан келиб чиқадики, ташкилот Бутунжаҳон бокс иттифоқи (WBC) аъзолигига ҳам қабул қилинган.
Бу Ўзбекистон ҳудудида WBC байроғи остидаги бокс кечалари ўтказиш, маҳаллий профессионал боксчиларга WBC шафелигида ўтказиладиган минтақавий чемпионатлар, бокс оқшомларида иштирок этиш учун амалий кўмак беради.
Маълумот учун, Ўзбекистон профессионал бокс федерацияси 2022 йилнинг апрель ойида фаолиятини бошлади. Унга Умид Ёқубов раислик қилади. Ғофур Раҳимов раиснинг биринчи ўринбосари бўлса, Қудратилла Рафиқов Васийлик кенгаши раиси сифатида фаолият юритади. Шунингдек, Муҳаммадқодир Абдуллаев, Баҳодир Жалолов, Ҳасанбой Дўсматов ва Фазлиддин Ғоибназаров Ижроқўм таркибига киритилган.
Изоҳ (0)