Йил бошидан буён бюджетга қанча солиқ тўлангани маълум бўлди

Январь ойидан буён бюджетга қанча солиқ тўланганлиги эълон қилинди. Бу ҳақда Давлат солиқ хизмати хабар бермоқда.

Йил бошидан бери бюджетга жами 71 трлн сўм миқдорида солиқ тўланган. Бу ўтган йилнинг мос даврига нисбатан 16 фоизга кўп.

Ушбу солиқлардан 18,6 трлн сўми фойда солиғи бўлиб, у ўтган йилга нисбатан 48 фоизга ўсган.

Иккинчи ўрин — 15,8 трлн сўм билан қўшилган қиймат солиғи, у 30 фоизга ўсиш қайд этган.

Учинчи ўрин — жисмоний шахслардан олинадиган даромад солиғи — 11,3 трлн сўм, бу ўтган йилнинг мос вақтига нисбатан 28 фоизга кўп.

Тўртинчи ўрин —2,5 трлн сўм билан ер солиғи, у 43 фоизга ўсиш кўрсатган.

Бешинчи ўрин — мол-мулк солиғи — 2 трлн сўм, ўтган йилга нисбатан 59 фоизга ўсган.

Олтинчи ўрин — 1,2 трлн сўм билан айланмадан олинадиган солиққа тегишли, у 34 фоизга ўсиш қайд этган.

Якунда 19,6 трлн сўм билан бошқа солиқ ва йиғимлар жойлашган. Ушбу қиймат ўтган йилнинг мос даврига нисбатан 10 фоизга ўсган.