Украинадаги уруш Марказий Осиё иқтисодиётини оғир аҳволга солиб қўймоқда

Марказий Осиё давлатлари Россия ва Беларусь санкциялардан қочиш учун фойдаланиши мумкин бўлган реэкспорт қилувчи давлатлар рўйхатига киритилган. Бу ҳақда Diplomat маълумот берди.

Яқинда АҚШ ҳукумати огоҳлантиришида Ўзбекистон, Қозоғистон, Қирғизистон ва Тожикистон 18 давлатдан иборат гуруҳ қаторида Россия ёки Беларусга маҳсулотларни реэкспорт қилувчи давлат сифатида белгиланган.

Огоҳлантириш жорий экспорт чекловларининг умумий кўринишини, шу жумладан, экспорт назоратидан қочиш мумкин бўлган товарлар рўйхатини тақдим этди.

Бундан ташқари реэкспорт қилувчи давлат сифатида 18 мамлакатдан иборат гуруҳ аниқланган. Ўзбекистон ҳам шундай давлатлар қаторидан жой олган.

Бундан ташқари уларнинг таркибида Арманистон, Бразилия, Хитой, Грузия, Ҳиндистон, Исроил, Қозоғистон, Қирғизистон, Мексика, Никарагуа, Сербия, Сингапур, Жанубий Африка, Тайван, Тожикистон, Туркия ва БАА бор.

Россия ва Беларусь томонидан мудофаа қобилиятини ошириш учун фойдаланиши мумкин бўлган товарлар қаторига самолёт қисмлари, антенналар, камералар, GPS тизимлари, интеграл микросхемалар, нефть конлари ускуналари ва бошқалар киради.

Баъзи ҳолларда назорат қилинадиган АҚШ буюмлари қонуний равишда ушбу давлатларга экспорт қилиниши мумкин. Аммо уларни Россия ёки Беларусга реэкспорт қилиш тақиқланади.

Марказий Осиё компаниялари санкцияланган Россия компаниялари билан иш олиб борса, катта хавф-хатарларга дуч келади.

АҚШ Ўзбекистоннинг «Promcomplektlogistic» компаниясига қарши санкция киритгани ҳақида хабар берилган эди.

Вашингтоннинг Марказий Осиё давлатлари билан дипломатик алоқалари минтақада Россияга нисбатан санкциялар таъсирини минималлаштириш ниятини таъкидлади.

Қўшма Штатлар санкциялар таъсирини қандай камайтириши аниқ эмас, аммо Ўзбекистонда «Америка бизнесини Ўзбекистонга жалб қилиш соҳасида амалий ҳамкорлик қилиш имкониятлари» муҳокама қилинди.

Экспертларга кўра, АҚШ таклиф қилаётган нарса халқаро санкцияларни қўллашда ҳамкорликни рағбатлантириш учун етарлими ёки йўқми бу вақт масаласидир.

Аввалроқ Украинадаги уруш Ўзбекистон ва бошқа МДҲ мамлакатларида иқтисодий ўсишни секинлаштиргани ҳақида хабар берилганди.