Бугун,

  • USD 10940.05
  • RUB 182.26
  • EUR 11121.65

Ташқи ишлар вазири вазифасини бажарувчи Владимир Норов 2022 йил 1 июль куни Бангладешнинг Ўзбекистондаги фавқулодда ва мухтор элчиси Муҳаммад Жаҳонгир Аламни қабул қилди. Бу ҳақда ТИВ ахборот хизмати хабар қилди.

Фото: Ташқи ишлар вазирлиги

Фото: Ташқи ишлар вазирлиги

Қайд этилишича, суҳбат чоғида сиёсий, савдо-иқтисодий, маданий-гуманитар ва бошқа соҳалардаги Ўзбекистон—Бангладеш ҳамкорлигининг бугунги ҳолати ҳамда уни ривожлантириш истиқболлари кўриб чиқилган. Ўзбекистон ва Бангладешнинг БМТ ва бошқа кўп томонлама институтлар доирасидаги саъй-ҳаракатларини мувофиқлаштириш масалалари юзасидан фикр алмашилган.

Бангладеш томони билан тўқимачилик соҳасида ҳамкорликни фаоллаштириш масалалари муҳокама қилинган. Хусусан, Бангладеш йирик компанияларининг Ўзбекистонда, жумладан, ихтисослаштирилган эркин иқтисодий зоналар ҳудудида тўқимачилик кластерларини ташкил этишда иштирок этиши, тайёр маҳсулот ишлаб чиқариши бўйича қўшма инвестиция лойиҳаларини амалга ошириш бўйича таклифлар кўриб чиқилган.

Икки мамлакат тадбиркорлик субъектлари, савдо-саноат палаталари, тўқимачилик уюшмалари ўртасидаги тўғридан-тўғри алоқаларни ҳар томонлама қўллаб-қувватлаш муҳимлиги қайд этилган.

Томонлар Ўзбекистон—Бангладеш ишбилармонлар кенгашининг биринчи мажлисини яқин вақт ичида ўтказиш масаласини ўрганиш ниятида эканини маълум қилган.

Изоҳ
Асосий янгиликлар