Панама президенти Лаурентино Кортисога миелодиспластик синдром деб номланувчи ноёб қон касаллиги ташхиси қўйилди. Бу ҳақда Reuters хабар берди.
Америка саратон жамияти маълумотларига кўра, миелодиспластик синдром тананинг суяк илигида соғлом қон ҳужайралари ҳосил бўлишига таъсир қилувчи саратон тури ҳисобланади.
Кортисонинг айтишича, ундаги касаллик хавфи ўртача ва у президент сифатида кундалик вазифаларини бажаришда давом этади.
Давлат раҳбарининг сўзларига кўра, май ойида ўтказилган қон текшируви гемоглобин ва оқ қон таначалари пасайганини кўрсатганидан кейин, 16 июнь куни унга ташхис қўйилган. Шифокорлар Кортисонга суяк илиги биопциясини тавсия қилган.
Ташхисга қарамай, 69 ёшли президент шифокорлар унинг аҳволини «аъло» деб баҳолаётганини айтди.
Буюк Британия Миллий соғлиқни сақлаш хизмати маълумотларига кўра, миелодиспластик синдромни даволаш қон қуйишдан тортиб, кимётерапия ёки илдиз ҳужайра трансплантациясигача талаб қилиши мумкин. Кортисо муолажа олиш-олмаслигига аниқлик киритмаган.
Изоҳ (0)