19 июнь кўплаб мамлакатларда «Оталар куни» сифатида нишонланади. Grazia нашри бошқаларга қараганда фарзандлари кўп бўлган машҳур оталар ҳақида қизиқарли маълумотлар тақдим этди.
Жуд Лоу
Голливуд актёри Жуднинг олти нафар фарзанди бор. Дизайнер Седи Фрост билан олти йиллик турмуши давомида учта фарзанд кўрган. 2009 йилда эса модель Саманта Берк Жуд билан қиз фарзанд кўрди ва олти йилдан сўнг у қўшиқчи Кетрин Хардингдан яна бир қиз фарзанд кўрди. 2019 йилда актёр иккинчи марта турмуш қурди. Лоу ва Филиппа Коэн 2020 йил сентябрида фарзанд кўрди, аммо улар ҳанузгача боланинг жинсини яшириб келмоқда.
Алек Болдуин
Ишониш қийин, аммо актёрнинг етти нафар фарзанди бор. Алекнинг Ким Бейсингерндан катта қизи 1995 йилда туғилган. У актриса билан ажрашганидан ўн йил ўтиб, ёга бўйича ўқитувчи Ҳилария Томасга уйланди. 2012 йилдан 2021 йилгача жуфтликнинг фарзанди 6 тага етди. Шу билан бирга, кенжа қизи ўғлидан беш ой ўтгач туғилди: жуфтлик шунчаки суррогат онанинг хизматларидан фойдаланган. Ҳилария бир неча бор ҳомиласидан айрилди, аммо шунга қарамай, яна фарзанд кўрди. Ҳозирда ҳам у навбатдаги фарзандини дунёга келтириш арафасида.
Эдди Мёрфи
Афтидан, Алек Болдуин 10 нафар фарзанди бор Эдди Мёрфи рекордини янгилашга жиддий ёндашган. Актёр модель Никол Митчелл билан бешта қиз фарзанд кўрган ва у билан турмуш қуришдан олдин ҳам иккита ўғил кўрганди. Эдди Никол билан 1988 йилдан 2006 йилгача бир оила бўлиб яшаган. Ажрашгандан сўнг у хонанда Мелани Браун билан муносабатларини боғлади ва у ҳам қиз фарзанд дунёга келтирди. Фақат Эдди уни ДНК тестидан сўнг тан олди. Мёрфи 2012 йилдан бери модель Пейж Батчер билан учрашиб келади. Жуфтликнинг икки нафар фарзанди бор.
Дэвид Бекҳэм
Дэвиднинг тўрт нафар фарзанди бўлса-да, у ҳам энг машҳур ва ғамхўр юлдуз оталардан бири ҳисобланади. Бекҳэмларнинг учта ўғлидан кейин Харпер исмли қизи дунёга келган. Дэвид қизини жуда яхши кўради ва энг муҳими, Харпер ҳеч қачон унинг эркалашига қарши эмас. Чунки унинг акалари кўпинча отасининг ҳис-туйғуларидан уялади ва мактабда синфдошлари олдида дадасининг ўпиб қўйишига рухсат бермайди.
Энрике Иглесиас
Энрике ва Анна Курниковалар 2002 йилдан бери бирга. Севишганлар турмуш қургани ёки йўқлигини ҳали ҳеч ким аниқ билмайди. Улар ота-она бўлишга тайёр эканликларини тушунишлари учун 15 йил керак бўлди. Жуфтликнинг эгизак фарзандлари бор: Николай ва Люси, 2020 йилда эса Маша исмли қизи дунёга келди. Хонанда болалар билан вақт ўткаишни яхши кўради, улар учун у ҳатто рус тилини ҳам ўрганди ва болалар қўшиқларини хурсандчилик билан куйлайди.
Изоҳ (0)