Бутун дунёда COVID-19 билан касалланганлар сони 538,6 миллиондан ошди

АҚШнинг Жонс Ҳопкинс университети маълумотларига кўра, якшанба куни эрталаб дунёда қайд этилган коронавирус инфекцияси билан касалланиш ҳолатлари сони 538,69 миллион кишига етди.

Дунёда вирус тарқалиши бошланганидан бери 6 миллион 318 095 киши COVID-19 инфекцияси оқибатларидан вафот этди.

Йигирма миллиондан ортиқ касалланиш қайд этилган мамлакатлар қаторига АҚШ, Ҳиндистон, Бразилия, Франция, Германия ва Буюк Британия киради.

Жаҳондаги энг муҳим воқеалар статистик маълумотларига ихтисослашган Worldometer портали маълумотларига кўра, якшанба куни эрталаб сайёрамиздаги бир миллион кишига ўлим даражаси 813,4 тага етган.

АҚШда ҳар бир миллион COVID билан касалланган аҳолидан 3101 киши, Ҳиндистонда 373, Бразилияда 3104, Францияда 2273, Германияда 1664, Буюк Британияда 2618 киши вафот этган.