«Интер» эркин агентга айланган Пауло Дибалага биринчи расмий таклифни юборди.
8 июнь куни «нераззурилар» вакиллари ва «Ювентус» собиқ футболчисининг агенти ўртасида расмий учрашув бўлиб ўтди.
«Интер» аргентиналик футболчига 4 йиллик шартнома ва йилига 6 миллион евро маош ва бонуслар ваъда қилмоқда, дея хабар беради Жанлука ди Марсио.
Дибала эса йиллик маоши 8 миллион евро ва қўшимчасига бонуслар берилишини талаб қилмода.
Умуман олганда музокара кўтаринки руҳда ўтди, томонлар бир нечта кундан сўнг яна учрашишга келишиб олди.
Аввалроқ, «Рома» футболчига қизиқиш билдираётгани, ҳаттоки Франческо Тотти унга ўзининг 10-рақамини беришга тайёрлиги маълум қилинганди.
2015 йилдан буён «Ювентус» шарафини ҳимоя қилиб келган Пауло 2021/22 йилги мавсумда 15 та гол ва 6 та голли узатмага муаллифлик қилди.
Изоҳ (0)