Бугун,

  • USD 11095.31
  • RUB 173.84
  • EUR 10772.44

Дастлаб гумонланувчи тариқасида процессуал тартибда ушланган Андижон шаҳри ҳокими Баҳром Ҳайдаров 2022 йилнинг 7 июнь куни, яъни ушлаб турилган пайтда ҳам «E-qaror» электрон тизими орқали қарорлар қабул қилган. Бу ҳақда «Дарё» мухбири Умиджон Мамарасулов хабар бермоқда.

Аниқланишича, 2022 йилнинг 7 июнь куни Андижон шаҳар ҳокимининг «Шаҳарда тадбиркорлик ва шаҳарсозлик фаолиятини амалга ошириш учун ер участкаларини ажратиш бўйича онлайн аукционга ер майдонларини жойлаштириш тўғрисида»ги иккита қарори қабул қилинган. Иккала қарор ҳам гумонланувчи тариқасида процессуал тартибда ушланган Андижон шаҳри ҳокими Баҳром Ҳайдаров томонидан имзоланган.

Қарорларда Андижон шаҳри «Боғи Эрам» маҳалла фуқаролар йиғини ҳудудида жойлашган иккита 200 кв/метрдаги бўш ер майдонларини шаҳар ҳокимлиги захирасида мавжудлиги маълумот учун қабул қилиниши ҳамда Давлат кадастрлар палатаси Андижон вилоят бошқармасидан мазкур захирадаги ер майдонларини давлат мулки сифатида Андижон шаҳар ҳокимлиги номига давлат рўйхатидан ўтказиб бериши сўралиши белгиланган.

Аниқланишича, Андижон шаҳар ҳокими Баҳром Ҳайдаров 2022 йилнинг 6 июнь куни 21 та қарор ва 4 та фармойишни имзолаган. Уларнинг аксариятини шаҳарда тадбиркорлик ва шаҳарсозлик фаолиятини амалга ошириш учун ер участкаларини ажратиш бўйича онлайн аукцион натижаларини тасдиқлашга оид қарорларни ташкил қилади.

Қўшимча қилинишича, шаҳар ҳокими вилоятда Молия бошқармаси бошлиғи сифатида иш юритган пайтида шериклари билан 48 миллиард сўм бюджет маблағини талон-торож қилган. Бош прокуратура томонидан олиб борилаётган тергов иши доирасида 37 нафар шахсга нисбатан айблов эълон қилиниб, уларнинг 32 нафари қамоққа олинган. Айни кунга қадар етказилган зарарнинг 23 фоизи қопланган.

Аввалроқ Баҳром Ҳайдаровнинг давлат манфаатларига 1,7 милиард сўм зарар келтирганликда айбланаётгани, унинг депутатлик даҳлсизлигини бекор қилиш учун вилоят прокуратурасига тақдимнома киритилгани хабар қилинган эди. «Дарё» мухбири билан суҳбатлашган ҳоким эса буни инкор этганди.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди