Бугун,

  • USD 11095.31
  • RUB 173.84
  • EUR 10772.44

Фермер, деҳқон хўжаликлари ва томорқа ер эгалари кенгаши бўлим бошлиғи Фахриддин Суюнов «Дарё» нашрига берган интервьюсида буғдой нархининг эркинлаштириши тўғрисида фикрларини билдирди. Мутахассиснинг айтишича, ғалланинг биржада, бозор нархида сотилиши фермерлар даромади ва ҳосилдорлик ошишига катта ёрдам беради.

«Буғдойни давлат томонидан сотиб олиш ва сотишда янги тизим жорий этилмоқда. Ғаллани режадагидан ортиқча қисмини аукцион орқали сотиш белгиланди. Ўтган йили ғалланинг тоннаси 1 миллион 500 минг сўм сотилган бўлса, бу йил 3 миллион сўмдан сотилади. Нархларнинг бозор талаблари асосида оширилиши фермерларни руҳлантирди. Бу биринчи навбатда фермернинг даромад топиши учун яхши. Энди фермерлар қанақа қилиб биржа савдоларида қатнашади, деган савол туғилиши табиий. Кенгашимиз томонидан фермер хўжаликлари бухгалтерларини брокерликка ўқитяпмиз. Тизимни ўргангач, улар биржада бемалол қатнаша олади», — деди кенгаш вакили.

Фахриддин Суюнов

Фахриддин Суюнов
Фото: «Дарё»

Фахриддин Суюновнинг таъкидлашича, буғдой бозор нархида сотилиши фермерларни янада кўпроқ ҳосил олишга илҳомлантиради.

«Фермерлар нарх ошгани учун руҳланиб яхши ҳосил олишга интила бошлади. Бозорда етиштирилган ҳосил кўп бўлса, ун ва ғалла нархлари қимматлашиб кетмайди. Қачондир бозор иқтисодиётига ўтишимиз керак эди. Бу биз учун муҳим. Масалан, фермер ғалла етиштириш учун қиладиган барча сарф-харажатлари — минерал ўғит деймизми, ёқилғими, ҳаммасини бозор нархида харид қилиб, ғалла етиштиряпти. Албатта, давлат томонидан фермерларга кўпроқ даромад яратишга имконият берилиши керак. Фермерлар учун яна бир имконият сифатида айтиш керакки, давлат белгилаган режадан ортиқча ғаллани 20 дан ортиқ сақлаш пунктларида бепул сақлашга шароит яратилди. Бунда ғаллалар дон корхоналари базалари, омборларда кафолатли, бепул сақланади. Бизнинг кенгаш фермерларни қўллаб-қувватлаш борасида кўп ишларни амалга оширмоқда. Хусусан, асосий масала фермер хўжаликларини ҳуқуқий ҳимоясини таъминлашдир. Бу борада ҳудудий кенгашларимиз ҳар бир фермерни назоратга олган. Уларни ҳуқуқий ҳимояси бўйича ишларни олиб бормоқда», — деди у.

Изоҳ
Asosiy yangiliklar
Дунё
Илон Маск Twitter’да Apple рекламалари тикланганини эълон қилди
Дунё
Ўзбекистондан Афғонистонга электр энергияси етказиб бериш тўхтатилди
Маҳаллий
Тошкентдаги газ заправкалари вақтинчалик ёпилмоқда