Шавкат Мирзиёев раислигида 7 июнь куни ўтказилган йиғилишда Кадастр агентлигига йил якунигача 20 та вазирликнинг кадастр маълумотларини Миллий геоахборот тизимига тўлиқ киритиш топширилди. Бу ҳақда президент матбуот котиби хабар қилди.
Қайд этилишича, 1 сентябрга қадар 205 та туман ва шаҳарда 253 та махсус савдо ва хизмат кўрсатиш кўчаларини ташкил этиш режа қилинган. Ушбу мақсадлар учун ўтган йили республика бюджетидан 1,4 триллион сўм, жорий йилда эса 900 миллиард сўм ажратилган.
Хусусан, Жиззах шаҳри «Жиззахлик» маҳалласидаги боши берк кўча Шароф Рашидов марказий кўчасига боғланиб, 1,4 километр автомобиль йўли, пиёдалар ва велосипед йўлакчалари қурилган. Савдо ва сервис объектларига туну-кун ишлашга рухсат берилган. Натижада илгари ушбу ҳудуддаги 1 квадрат/метр жой 2—3 миллион сўмга ҳам сотилмаган бўлса, ҳозир нархи 8—9 миллион сўмга етган. Савдодан тушган маблағларни бошқа кўчаларнинг инфратузилмасини яхшилашга йўналтириш ишлари бошланган.
Вилоят ҳокимларига Жиззах тажрибаси асосида 1 тадан кўчани танлаб, уларни серқатнов кўчаларга улаш орқали сервисни ривожлантириш лойиҳасини бошлаш топширилган.
Мавзуга доир:
Изоҳ (0)