Эндиликда талабаларнинг ўқишни кўчиришига фақат 2 та шарт билан рухсат берилади. Бу ҳақда бугун, 7 июнь куни ўтказилаётган Олий Мажлис қонунчилик палатаси йиғилишида Олий таълим вазири Абдуқодир Тошқулов айтиб ўтди.
Абдуқодир Тошқуловнинг таъкидлашича, ўқишни кўчиришда фирибгарлик авж олмоқда.
«Энди ўқишни кўчириш 2 та шарт билан амалга ошади: фақат турмуш қурса ва давлат хизматчиси иши бошқа жойга ўтса. Вазирнинг хати билан. Биз бу йил шунга рухсат олдик. Бошқа ҳар қандай ҳолатда академ мобилликни қўллаймиз. Биз фирибгарларга йўл очиб бермаслигимиз керак. Ҳар қандай имтиёз фирибгарларга имконият бўлиб қолмоқда. Ўтган йили 60 минг талаба ўқишини кўчиришга ҳужжат топширган. Тупроқшуносликка топширяптида мақсади биологияда ўқиш. Талаба биринчи босқичдан мақсадини белгилаб олиши керак. Ундан олдин ташхис мактаблари ишлаши лозим. Ота-она ишлаши керак. Бу йил 150 минг талаба ўқишини кўчиришига прогноз бор эди. Бу нарсага барҳам бериляпти. Таълим тизимида 25-30 йилдан бери ишлаётган одам сифатида айтаманки, дипломни бир жойдан олиш керак, бутун дунёда шунақа», – деди вазир.
Аввалроқ Абдуқодир Тошқулов 2026 йилгача олий таълим муассасалари сонини 200 тага етказилишини айтганди.
Изоҳ (0)