Роберт Левандовски фақатгина «Барселона»га ўтишни истамоқда.
«Бавария» ҳужумчиси агентлари орқали Каталон клуби раҳбариятига бошқа вариантларни кўриб чиқмаётганини хабар қилди, дейди Фабрисио Романо.
Левандовски «Бавария» билан келишувга эришиш осон эмаслигини билади. Шунинг учун «Барселона» уни қўлга киритишини кутишга тайёр.
Роберт «кўк-анорранглилар» билан 3 йиллик шартнома борасида оғзаки келишиб олган.
Аввалроқ «Барселона» раҳбарияти Левандовскини имкон қадар тезроқ жамоага олиб келишни истаётгани хабар қилинганди. Польшалик ҳужумчи ортиқ «Бавария»да ўйнашни истамаслиги ҳақида баёнот берганди.
33 ёшли Левандовски 2021/22 йилги мавсум «Бавария» сафида 50 та ўйинда майдонга тушиб, 46 та голга муаллифлик қилган.
Изоҳ (0)