«Ahbor-Reyting» рейтинг агентлиги 2021 йил натижаларига кўра, «Капиталбанк» АТБга миллий шкала бўйича «uzA+» даражасида кредит рейтингини «Ижобий» прогнози билан тақдим этди.
«uzA+» рейтинги банкнинг кредитга лаёқатлилигининг жуда юқори даражасини билдирган ҳолда, унинг фаолиятидаги кредит таваккалчилигининг жуда паст даражасини акс эттиради. «uzA+» рейтингига эга бўлган банк кредиторлар, депозитчилар ва инвесторлар олдидаги молиявий мажбуриятларини ўз вақтида ва тўлиқ бажариш учун жуда юқори салоҳиятга эгалиги билан ажралиб туради.
«Ahbor-Reyting» МЧЖ рейтинг агентлиги таъкидлашига кўра, «Капиталбанк» АТБ банкнинг бозордаги ўсиб бораётган мавқеи, юқори обрўси ва таниқли бренди, риск менежментнинг яхши даражаси, мувозанатли ликвид позицияси ва мақбул капиталлашуви, шунингдек, барқарор ўсиб бораётган молиявий натижаларини акс эттиради.
«Капиталбанк» АТБ ташкил этилган вақтдан бери ҳам маҳаллий, ҳам хорижий молия институтлари билан ўзаро манфаатли ҳамкорликни йўлга қўйиш ва кенгайтиришга доимо катта аҳамият бериб келади. Бунинг учун уларга кенг ва хилма-хил спектрдаги банк хизматларини таклиф этади.
Банк корпоратив мижозлар учун кенг турдаги хизматларни тақдим этади. Ҳисоб-китоб, касса хизматлари, миллий ва хорижий валютада ҳисобварақлар очиш ва юритиш, миллий ҳамда хорижий валютада пул маблағларини ўтказиш, касса хизматлари, бўш пул маблағларини депозитларга, муддатли депозитларга жалб қилиш, кредитлаш, юридик шахслар учун корпоратив пластик карточкалар, пластик карталарни чиқариш ва уларга хизмат кўрсатиш, шу жумладан, иш ҳақи лойиҳалари, «Банк — мижоз» тизимидаги хизматлар, қимматли қоғозлар билан операциялар ва бошқалар шулар жумласидандир.
«Ahbor-Reyting» рейтинг агентлиги, шунингдек, пухта ишлаб чиқилган ва муваффақиятли амалга оширилган кредит ва депозит сиёсати банкка 2021 йил давомида юридик шахслардан ҳам, жисмоний шахслардан ҳам ажратилган кредитлар ҳамда жалб қилинган депозитлар ҳажмини сезиларли даражада ошириш имконини берганини таъкидлади.
Рейтинг бўйича «Ижобий» прогнози «Ahbor-Reyting» МЧЖ РА’нинг «Капиталбанк» АТБ бозордаги мавқеини янада мустаҳкамлаш, активларнинг яхши сифатини сақлаш ва молиявий кўрсаткичларни яхшилаш бўйича умидларини акс эттиради. Келгусида бозор мавқеини янада мустаҳкамлаш, тижорат тармоғини кенгайтириш, шунингдек, банк капиталлашуви ва даромадлилигининг давом этиши каби омиллар банкнинг соҳадаги бозор мавқеини янада мустаҳкамлайди.
Реклама ҳуқуқи асосида.
Изоҳ (0)