Ушбу таклиф кичик ва ўрта корхоналарга (КЎК) ZoodPay томонидан танланган савдо компаниялари товар захираларини 1 ойгача муддатда молиялаштириш орқали ўз айланмасини сезиларли даражада ошириш имконини беради.
Молиявий кўмак вақт ўтиши билан бошқа бозорларга ҳам йўналтирилиши режалаштирилган.
Тошкент, Ўзбекистон — 20 май 2022 йил
Яқин Шарқ ва Марказий Осиёдаги электрон тижорат бўйича етакчи рақамли онлайн кредитлаш платформаси — ZoodPay Ўзбекистонда ўз мижозлари учун КЎК товар захираларини молиялаштириш бўйича дастурни муваффақиятли ишга туширди. Дастур компаниянинг мавжуд таклифларига қўшимча равишда тақдим этилади, яъни фоизсиз 4 та тўловли муддати тўловга ва 12 та тўловгача бўлган фоизли муддати тўловларга. КЎК товар захираларини молиялаштириш вақт ўтиши билан ZoodPay’нинг бошқа бозорларида ҳам амалга оширилади.
Янги таклиф доирасида ZoodPay кичик ва ўрта корхоналарга компания томонидан танланган сотувчилар учун 1 ойгача муддатда товар захираларини молиялаштириш орқали ўз онлайн бизнесларини ривожлантириш имкониятини беради. Шу билан бирга, компания бепул омборга жойлаштириш, бепул онлайн контент яратиш, бепул қадоқлаш ва буюртмаларни қайта ишлаш ва бажариш ҳамда электрон логистика ечимлари махсус пункти ёрдамида эшиккача етказиб бериш хизматларини таклиф этади. Корхоналар молиялаштирилган товарларни ZoodPay омборига юборади, у ерда улардан мижозларнинг жорий қарзларини ҳисобга олган ҳолда гаров сифатида фойдаланилади. Бироқ бундай товарлар «музлатилмайди». Улар онлайн тарзда сотилади: қарз ушбу товарларни сотиш орқали қопланади. Бу Zood’нинг барча савдо майдончалари учун ўзига хос дастури бўлиб, КЎК электрон тижоратини ривожлантиришни рағбатлантиришга мўлжалланган. ZoodMall платформасида 3 ой давомида муваффақиятли савдо қилгандан сўнг компания ўз маҳсулотларини молиялаштириш учун ариза топшириши, керакли ҳужжатларни юбориши ва ZoodPay билан шартнома тузиши мумкин.
ZoodPay’нинг КЎК товар захираларини молиялаштириш бўйича таклифи корхоналарга кўпроқ товарларни онлайн сотиш орқали айланма капиталини кўпайтиришга ёрдам бериши кутилмоқда. ZoodPay ва ZoodMall бош директори Майкл Хой шундай изоҳ берди: «Бизнинг вазифамиз — истеъмолчилар ва ишбилармонлар учун тўлов ечимларининг мослашувчанлиги ва қулайлигини доимий равишда ошириш. Ўйлаймизки, бизнинг сўнгги таклифимиз маҳаллий банкларнинг КЎК’га кредит ажратиш бўйича қизиқиши пастлигини инобатга олган ҳолда, КЎК учун молиявий хизматларга кенг киришни таъминлаш бўйича концепциямизни амалга оширишга катта ҳисса қўшади. Банкларнинг тегишли қатъий гаровсиз қарзлар тақдим этиш билан боғлиқ ички қийинчиликларини ва мижозлар билан ўзаро муносабатларнинг мураккаб циклини ҳисобга олган ҳолда, КЎК’ни молиялаштириш ҳажми жуда паст, берилган кредитлар сони битта эди».
«Етказиб берувчиларни излашдан тортиб омборга жойлаштириши, йиғиш, қадоқлаш ва етказиб беришгача бўлган бутун жараённи назорат қилиш учун биз умумий таклифимизга электрон логистикани киритдик. Биз чегара ва ривожланаётган молиявий бозорларда сотувчилар ва истеъмолчиларнинг барча эҳтиёжларини қондирадиган, ишончли, рақамли, универсал электрон логистика технологик платформасини яратдик ва ушбу қарорлар бозорларимизда ижобий натижа беришига умид қиламиз», — дея таклиф этди Хой.
ZoodPay Ўзбекистон, Ироқ, Иордания, Ливан, Қозоғистон ва Покистонда фаолият олиб боради, уларнинг умумий аҳолиси 300 миллион кишидан ортади. Ушбу бозорларда истеъмолчилар ва компаниялар аҳолининг қамраб олинмаган қисмини ташкил этиши билан фарқ қилади: улар 18 ёшдан 40 ёшгача бўлган ёш, тажрибали интернет фойдаланувчилари, улар мобил алоқанинг юқори даражасига эга. Бундан ташқари ушбу бозорларда кўплаб кичик ва ўрта корхоналар (5 миллиондан ортиқ) мавжуд. Шунингдек, ушбу бозорларда, одатда, капиталнинг нотўғри тақсимланиши кузатилади (кўпинча давлат ёки давлат ташкилотлари даражасида қолади), бу КЎК’нинг ҳам, жисмоний шахсларнинг ҳам кредит тарихи йўқлигини англатади.
Бугунги кунга қадар ZoodPay етакчи глобал ва стратегик инвесторлар, жумладан, Zain — Яқин Шарқ ва Шимолий Африка минтақасидаги етакчи телекоммуникация компанияси, Sturgeon Capital London венчур фонди ва бошқа асосий стратегик инвесторлар кўмагида 50 миллион доллар йиғди. Компания молиялаштиришнинг янги босқичини тайёрламоқда. Шу билан бирга олинган маблағларнинг бир қисми мамлакат тарихидаги молиявий технологиялар соҳасидаги биринчи қўшиб олиш ва қўшилиб кетиш битими доирасида, Tez Financial Services’ни сотиб олгандан сўнг ZoodPay’нинг Покистон бозоридаги иштирокини янада кенгайтиришни молиялаштиришга йўналтирилади.
ZoodPay электрон тижорат кредитлашнинг экотизими финтек, маркетплейс ва электрон логистикани ўз ичига олади. Бундай экотизим Яқин Шарқ, Марказий Осиё, Хитой, Европа ва Туркиядаги савдо компанияларини имкониятларни кенгайтиради ва маҳаллий, бориш қийин бўлган ва тез ривожланаётган бозорларда қўшимча харажатлар ва тўловларсиз ўз дўконларини очишга ундайди. ZoodPay 7 миллион маҳсулот ва 30 000 сотувчига эга бўлган савдо майдончасидан фойдаланади, бу эса зарур товар айланмасини яратиш ва янги сотувчиларни жалб қилиш имконини берди.
Реклама ҳуқуқи асосида.
Изоҳ (0)