“Ahbor-Reyting” reyting agentligi 2021-yil natijalariga ko‘ra, “Kapitalbank” ATBga milliy shkala bo‘yicha “uzA+” darajasida kredit reytingini “Ijobiy” prognozi bilan taqdim etdi.
“uzA+” reytingi bankning kreditga layoqatliligining juda yuqori darajasini bildirgan holda, uning faoliyatidagi kredit tavakkalchiligining juda past darajasini aks ettiradi. “uzA+” reytingiga ega bo‘lgan bank kreditorlar, depozitchilar va investorlar oldidagi moliyaviy majburiyatlarini o‘z vaqtida va to‘liq bajarish uchun juda yuqori salohiyatga egaligi bilan ajralib turadi.
“Ahbor-Reyting” MChJ reyting agentligi ta’kidlashiga ko‘ra, “Kapitalbank” ATB bankning bozordagi o‘sib borayotgan mavqei, yuqori obro‘si va taniqli brendi, risk menejmentning yaxshi darajasi, muvozanatli likvid pozitsiyasi va maqbul kapitallashuvi, shuningdek, barqaror o‘sib borayotgan moliyaviy natijalarini aks ettiradi.
“Kapitalbank” ATB tashkil etilgan vaqtdan beri ham mahalliy, ham xorijiy moliya institutlari bilan o‘zaro manfaatli hamkorlikni yo‘lga qo‘yish va kengaytirishga doimo katta ahamiyat berib keladi. Buning uchun ularga keng va xilma-xil spektrdagi bank xizmatlarini taklif etadi.
Bank korporativ mijozlar uchun keng turdagi xizmatlarni taqdim etadi. Hisob-kitob, kassa xizmatlari, milliy va xorijiy valyutada hisobvaraqlar ochish va yuritish, milliy hamda xorijiy valyutada pul mablag‘larini o‘tkazish, kassa xizmatlari, bo‘sh pul mablag‘larini depozitlarga, muddatli depozitlarga jalb qilish, kreditlash, yuridik shaxslar uchun korporativ plastik kartochkalar, plastik kartalarni chiqarish va ularga xizmat ko‘rsatish, shu jumladan, ish haqi loyihalari, “Bank — mijoz” tizimidagi xizmatlar, qimmatli qog‘ozlar bilan operatsiyalar va boshqalar shular jumlasidandir.
“Ahbor-Reyting” reyting agentligi, shuningdek, puxta ishlab chiqilgan va muvaffaqiyatli amalga oshirilgan kredit va depozit siyosati bankka 2021-yil davomida yuridik shaxslardan ham, jismoniy shaxslardan ham ajratilgan kreditlar hamda jalb qilingan depozitlar hajmini sezilarli darajada oshirish imkonini berganini ta’kidladi.
Reyting bo‘yicha “Ijobiy” prognozi “Ahbor-Reyting” MChJ RA’ning “Kapitalbank” ATB bozordagi mavqeini yanada mustahkamlash, aktivlarning yaxshi sifatini saqlash va moliyaviy ko‘rsatkichlarni yaxshilash bo‘yicha umidlarini aks ettiradi. Kelgusida bozor mavqeini yanada mustahkamlash, tijorat tarmog‘ini kengaytirish, shuningdek, bank kapitallashuvi va daromadliligining davom etishi kabi omillar bankning sohadagi bozor mavqeini yanada mustahkamlaydi.
Reklama huquqi asosida.
Izoh (0)