Тухум оқи ниқоби оддий, аммо самарали косметик маҳсулот бўлиб, терининг тезда ижобий томонга ўзгаришига ёрдам беради. Ушбу маҳсулотни қўшиб тайёрланадиган бир нечта оддий рецепт ажин ва ҳуснбузарлардан халос бўлишга, тери тешикларни торайтиришга ва юз рангини яхшилашга ёрдам беради, деб ёзади Wday.
Тухум оқидан тайёрланган ниқобларнинг қандай афзалликлари бор?
Тухум оқи жуда кўп фойдали хусусиятларга эга, бунинг натижасида у нафақат косметологияда, балки баъзи дори-дармонларни ишлаб чиқаришда ҳам қўлланади. Маҳсулот таркибида B гуруҳи витаминлари, H витамини, калий, магний, кальций, натрий, рух ва бошқа кўплаб минераллар мавжуд. Шунингдек, аниқ антибактериал таъсирга эга бўлган табиий модда — коналбуминнинг таркиби учун ҳам бошқа ниқобларга қараганда анча самарали ҳисобланади.
Косметологияда маҳсулот юзнинг контурини тортиш, нозик ажинларни йўқ қилиш ва аралаш ҳамда ёғли терини парвариш қилиш учун ишлатилади.
Тухум оқидан юз ниқоби:
- яллиғланиш жараёнларини тўхтатади;
- терини дезинфекция қилади;
- тешикларни тозалайди ва торайтиради;
- таранглик эффектини беради.
- Ниқоб тайёрлаш учун битта тухумнинг оқи етарли.
- Энг оддий рецепт маҳсулотни соф шаклда ишлатишдир. Тухум оқи сариғидан ажратиб олинади, миксер билан яхшилаб аралаштирилади ва юзга 15-20 дақиқа давомида қўлланади. Бу вақтдан сўнг ниқоб қолиб кетмаслиги учун юз совуқ сув билан ювилади.
Лимон билан. Аралаш юз терисининг ялтирашини йўқ қилади, яллиғланиш ва ёш билан боғлиқ доғлар билан курашади. Битта тухум оқига 1 чой қошиқ лимон шарбати қўшилади.
Асал билан. Ажинлар учун ниқоб тухум оқи ва 1 чой қошиқ суюқ асал билан тайёрланади. Биринчи процедурадан кейин ёшартирувчи, тортувчи таъсири сезилади.
Кўкатлар билан. Тухум оқи 2 ош қошиқ майдаланган турли кўкатлар билан аралаштирилади. Ундан юз рангини оқартирувчи ниқоб сифатида фойдаланиш мумкин.
Мева ёки резавор билан. Nordон резавор ёки мевалар билан тухум оқи терини витаминлар билан намлаш ва озиқлантиришга ёрдам беради. Тайёрлаш учун мевалар пюресидан 1 ош қошиқ ҳамда тухум оқи керак бўлади.
Косметик кукун билан. Оқ ёки кўк лой билан биргаликда тухум оқи кучли қаришга қарши восита бўлиб, юзнинг контурини тортади ва ажинларни йўқ қилади. Битта тухум оқи учун 2 чой қошиқ косметик кукун керак бўлади.
Тухум оқига асосланган уй шароитидаги ниқоблар қимматбаҳо косметик муолажаларни алмаштириши мумкин. Уларнинг асосий афзалликлари — биринчи процедурадан кейин кўринадиган табиийлик ва тезкор таъсир.
Агар уй шароитида тери учун турли рецептларга мурожаат қилинса, уларнинг кўпчилигида тухум оқи каби компонентни топиш мумкин. Таркибидаги тухум оқи тери учун жуда фойдали, чунки сариғидан фарқли ўлароқ, у жуда кўп миқдорда табиий оқсилни ўз ичига олади. Бундан ташқари, тухум оқи аминокислоталар, азот, фосфор ва бошқа элементларга бой. Турли хил ниқобларнинг бир қисми бўлган тухум нафақат терини тозалайди ва тортади, балки уни оқартиради, шунинг учун у кўпинча доғларига қарши курашда тавсия этилади.
Изоҳ (0)