Бугун,

  • USD 10920.28
  • RUB 177.49
  • EUR 11052.42

Хонанда Манзура «Дарё» интернет-нашри учун эксклюзив интервью берди. Интервьюни «Дарё» мухбири Феруз Муҳаммад ташкиллаштирди.

Фото: «Дарё»

Манзура суҳбат давомида ҳаётида содир бўлган воқеалар ҳақидаги қисқа саволларга қизиқ жавоблар берди.

— Манзуранинг ҳаётига суиқасд бўлганми?

Бундан йигирма йилча аввал тўйда жамоадаги болаларимни урмоқчи бўлиб, пичоқ билан келиб, ўлдириб юбормоқчи бўлишган. Мен ҳам жуда «духи» баланд қиз эдим. Отдан тушсам ҳам, эгардан тушмаганман. Улар нима деган бўлса, худди шундай жавоб қайтарганман. Ҳар хил гап-сўзлардан сўнг, улар бизни қўйиб юборишган. Улар бизни ўраб олиб, асир қилиб қўйишганди. Маъмуримни тепишган эди. Бундай ҳолатлар эсласак, кўп чиқаверади.

— Манзура неча ёшигача куйламоқчи?

Жуда яхши савол. Аммо буни аниқ билмайман. Улуғ ёшларгача куйлаб юриш бу жуда ҳам яхши. Халқ билан, мухлислар билан бўласиз. Овунасиз. Лекин айнан аёл хонандаларга қариган вақтида ўзининг фарзанди бўлишини, фарзандлари унга яхши муносабатда бўлишини тилаган бўлардим. Ўзимга ҳам бу насиб этишини ният қиламан.

— Шоу-бизнес вакиллари орасида Манзуранинг қўлини сўраганлар бўлганми?

Бўлган, десам ҳам бўлади, аммо рад жавобини берганман. Чунки бу ҳаётга тўғри келмайди, деб ҳисоблаганман. Санъаткорларга муносабатим жуда зўр. Лекин битта соҳадаги инсонга турмушга чиқишни хоҳламаганман.

— Манзура видеоклиплар суратга олишга қанча пул сарфлаган?

Қиммат клипларимиз жуда кўп бўлган. Уларга 6,5 минг доллардан 7,5 минг долларгача пул кетган. Адашмасам, клипларимизга шу атрофда пул сарфлардик.

— Манзура Даврон Кабуловга гонорар берганми?

Даврон Кабулов билан ҳамкорлик қилганмиз. Менимча, берганман, балки бермаганманми, аниқ эсимда йўқ.

— Манзуранинг биринчи гонорари қанча бўлган?

1997 йилларда 100 долларга хизматга чиққанимни эслай оламан. «Осиё» деган гуруҳимиз бўлган. Бу гуруҳ жуда замонавий бўлган.

— Манзура уйини қандай сотиб олгани ҳақида.

Баъзида қўшиқчиларнинг бошқа бизнеси бўлади. Бир хилларининг ота-онаси бой бўлади. Биз опам билан бошқа бизнес қила олмаганмиз. Клипларимга, рекламаларга ўзим пул тўлаганман. Булар учун ҳам катта пул сарфлаганман. Масалан, тўйдан пулни олиб, телевидениега бераман, шу пулни олиб режиссёрга, овоз ёзишга, хуллас, ўзимда кундалик харажатлар учун пул қолган, холос. Биз ҳам ҳар бир ўзбекка ўхшаб секин-секин уйнинг пулини бўлиб-бўлиб тўлашга сотиб олганмиз. Бирдан сотиб олишга имконимиз етмаган.

Изоҳ
Асосий янгиликлар