Футбол бўйича Европа Лигаси финал баҳсида «Айнтрахт» 18 май, чоршанба куни «Рейнжерс» билан баҳс олиб борди.
Учрашувнинг биринчи бўлимида жамоалар дарвозаларни аниқ нишонга ололмади. Иккинчи бўлимда эса нисбатан ҳужумлар кўпроқ бўлди. 57-дақиқада Жоэ Арибо «Рейнжерс»ни ҳисобда олдинга олиб чиқди. 69-дақиқада эса Рафаэл Сантос Борре мувозанатни тиклади. Қолган дақиқаларда дарвозалар дахлсизлиги сақланиб қолди.
Қўшимча бўлимларда ҳам жамоалар қанча уринишмасин, гол уришга муваффақ бўлмади. Пенальтилар сериясида эса «Айнтрахт» 5:4 ҳисобида ғалаба қозонди ва 2021/22 йилги мавсум Европа Лигаси чемпионига айланди.
Қайд этиб ўтиш жоиз, немис клуби 42 йилдан сўнг илк бор Еврокубокларда ғалаба қозонди. Сўнгги бор «Айнтрахт» 1980 йилда УЕФА Кубогини қўлга киритганди.
Европа Лигаси
Финал
18 май, чоршанба
«Айнтрахт» – «Рейнжерс» 1:1 (пенальтилар серияси 5:4)
Голлар: 0:1 — 57 Жоэ Арибо, 1:1 — 69 Рафаэл Сантос Борре.«Айнтрахт»: Трапп, Туре, Ндика (Ленс, 101), Тута (Хасебе, 58), Кнауфф, Костич, Роде (Якич, 90), Соу (Хрустич, 105), Камада, Линдстрем (Ҳеуге, 71), Борре.
«Рейнжерс»: Макгрегор, Таверне, Голдсон, Басси, Баришич (Руф, 117), Жек (Дэвис, 74), Ландстрем, Камара (Арфилд, 90), Райт (Сакала, 74; Рэмзи, 117), Арибо (Сендс, 101), Кент.
Огоҳлантиришлар: Арибо (62), Райт (73).
Изоҳ (0)