Ракета зарбасидан қолган ўралар, куйиб кул бўлган музей экспонатлари. Урушнинг 73-кунидан фоторепортаж
Урушнинг 73-кунида Мариуполдаги «Азовсталь» заводи ҳудудидан барча аёллар, болалар ва қариялар эвакуация қилинди, дея хабар берди Украина бош вазири ўринбосари Ирина Верешчук. Россия Мудофаа вазирлиги маълумотларига кўра, 5 майдан 7 майга қадар заводдан 51 киши олиб чиқилган. Жами 300 га яқин тинч аҳоли «Азовсталь»дан эвакуация қилинган. Россия авиацияси Луганск вилояти Белогоровка қишлоғида 90 киши яширинган мактабга зарба берди. Одамларнинг 30 нафари қутқариб олинди, камида иккитаси ҳалок бўлди, қолганларининг тақдири ҳозирча номаълум, аммо улар ҳалок бўлган бўлиши мумкин, дейди Украина расмийлари.
Файласуф ва шоир Григорий Сковороданинг адабий-мемориал музейидаги куйиб кул бўлган нарсалар. Музей Россия томонидан бомбардимон қилинган. Сковородиновка, Харьков вилояти.Фото: Reuters
Музей ходимлари Сковорода ҳайкалини харобалар ичидан олиб чиқмоқда.Фото: Reuters
Харьков вилоятидаги Украина артиллерияси.Фото: EPA
Донбасс шимоли
Луганск вилоятининг Лисичанск шаҳрида яшовчи фуқаро электр кабелини қайта улаш учун устунга чиқмоқда. Шаҳарда 12 кундан бери электр токи йўқ.Фото: AFP
Донецк вилоятининг Баҳмут шаҳрида ракета снаряди келиб тушишидан ҳосил бўлган ўра. Аввал бу ерда турар жой биноси бўлган.Фото: Reuters
Баҳмутда ракета зарбасидан кейин пайдо бўлган ўра.Фото: AP Photo
Кўнгилли Северодонецк аҳолиси учун гуманитар ёрдам тарқатиш пункти омборидан озиқ-овқат маҳсулотларини туширмоқда. Озиқ-овқатлар ҳар куни етказиб берилади.Фото: AFP
Изоҳ (0)