Кадастр агентлиги томонидан ер ва кадастр назорати йўналишида 2022 йилнинг январидан 1 майига қадар ер назоратини амалга ошириш бўйича олиб борилган назорати тадбирлари натижасида жами 6 215 та ҳолатда 2 245,6 гектар ер ўзбошимчалик билан эгаллаб олингани аниқланди. Бу ҳақда АОКАда ўтказилган брифингда Агентлик ахборот хизмати раҳбари Неъмат Атамуратов маълум қилди.
Жумладан,
- қишлоқ хўжалигига мўлжалланган ерларда 2 543 та ҳолатда — 2 043,4 гектар;
- аҳоли пунктлари ерларида 2 910 та ҳолатда — 139,8 гектар;
- саноат, транспорт, алоқа мудофаа ва бошқа мақсадларга мўлжалланган ерларда 121 та ҳолатда — 2 гектар;
- тарихий маданий аҳамиятга молик ерларда 4 та ҳолатда — 0,1 гектар;
- ўрмон фонди ерларида 23 та ҳолатда — 5,4 гектар;
- сув фонди ерларида 69 та ҳолатда — 2,1 гектар;
- захира ерларда 545 та ҳолатда — 52,8 гектарни ташкил этади.
Ихтиёрий равишда бартараф этилмаган ўзбошимчалик билан эгалланган ер участкаларини қайтариш ва уларда қурилган иморатларни буздириш бўйича судларга 1 984 та ҳолатда 254,2 гектар даъво аризалар киритилган. Шундан 167 та даъво аъризалар судлар томонидан қаноатлантирилиб, мажбурий ижрога қаратилган.
Ҳуқуқбузарлик ҳолатида жиноят аломатлари мавжуд бўлган 410 та материаллар ўрнатилган тартибга мувофиқ прокуратура органларига киритилган.
Ер ва кадастр назоратини автоматлаштириш, коррупция ҳолатларини олдини олиш мақсадида ерга оид ҳуқуқбузарликларни аниқлашдан бартараф этилгунга қадар мониторингини юритувчи «Э-ер назорат» автоматлаштирилган ахборот тизими амалиётга жорий этилиб, 9 580 та аниқланган ҳуқуқбузарликлар ахборот тизимига киритилган.
Олиб борилган назорат тадбирлари давомида республика бўйича фуқаролар жами 406 та ҳолатда 7 824,3 гектар ер майдонларидан мақсадсиз фойдаланилганлиги аниқланган. 30 та ҳолатда 10,7 гектар ер майдонлари бўйича судларга даъво аризалари ҳамда 376 та ҳолатда 7 813,6 гектар ер майдонлари бўйича маҳаллий ҳокимликларга тақдимномалар киритилган. Шундан 28 та ҳолатда 196,8 гектар ер майдонларининг туман ҳокимликлари захирасига қайтарилиши таъминланган.
Бундан ташқари, республикадаги мавжуд 5 562 та сунъий балиқчилик хавзаларини хатловдан ўтказиб чиқиш натижаси бўйича ҳудудларда фаолият юритаётган 38 та фермер хўжаликлари томонидан 204,46 гектар ер майдонлари ўзбошимчалик билан эгаллаб олиш, 303 та ҳолатда 5,48 гектар ер майдонларига ўзбошимчалик билан иморат қуриш ҳамда 1 334 та ҳолатда фермер хўжаликларининг 36 146 гектар ер участкасига бўлган ҳуқуқлари белгиланган тартибда Давлат рўйхатидан ўтказилмагани аниқланган.
Изоҳ (0)