Тошкент вилояти Чирчиқ шаҳрида фуқаронинг уйини сотиб юборган собиқ нотариус ва унинг шериклари аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Чирчиқ шаҳар бўлими томонидан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказилган. Унда фуқаро З.Ч. Қибрай тумани 1-сонли давлат нотариал идораси нотариуси лавозимида ишлаган даврида фуқаро С.Г. ва бошқалар билан олдиндан тил бириктириб, жиноятга қўл ургани аниқланган. Улар Тошкент вилояти руҳий-асаб касалликлари диспансерида мажбурий даволанаётган фуқаро V.нинг Чирчиқ шаҳри 1-кичик туманида жойлашган хонадонини 2019 йилда ҳужжатларни сохталаштириш йўли билан сотиб юборган.
Ҳолат юзасидан Жиноят кодексининг 168-моддаси (фирибгарлик) ва 209-моддаси (мансаб сохтакорлиги) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Қашқадарёда солиқдан бўйин товлаб, 700 млн сўм солиқ пулини яширган қурувчи жавобгарликка тортилди
- Фарғонада сув идораси раҳбари ва бошқа мансабдор шахслар 720 млн сўмдан ортиқ маблағни талон-торож қилгани аниқланди
- Сурхондарёда омонатга қўйилган 566 млн сўмни талон-торож қилган собиқ банк ходимига жиноят иши очилди
Изоҳ (0)