Futbol bo‘yicha Italiya Kubogining yarim final javob o‘yinida “Inter” 19-aprel, seshanba kuni “Milan”ni mehmon qildi.
Uchrashuvda “nerazzurilar” 3:0 hisobida g‘alaba qozondi. Mezbonlar safida Lautaro Martines dublga erishgan bo‘lsa, Robin Gozens o‘z hisobiga bitta gol yozdirib qo‘ydi.
Jamoalar o‘rtasidagi dastlabki o‘yin 0:0 hisobidagi durang natija bilan yakunlangan edi. Ikki o‘yin natijasiga ko‘ra “Inter” final yo‘llanmasini qo‘lga kiritdi.
Ikkinchi yarim finalda “Yuventus” “Fiorentina” bilan bahs olib boradi. Dastlabki o‘yinda turinliklar kichik hisobda g‘alaba qozongan.
Italiya Kubogi
1/2 final bahsi
19-aprel, seshanba
“Inter” — “Milan” 3:0
Gollar: 1:0 – 4 Martines, 2:0 – 40 Martines, 3:0 – 82 Gozens.“Inter”: Handanovich, Darmian, de Vrey, Shkrinyar, Bastoni (D’Ambrozio, 79), Perishich (Gozens, 79), Brozovich, Chalxono‘g‘lu (Vidal, 73), Barella, Korrea (Sanches, 70), Martines (Jeko, 70).
“Milan”: Menyan, Kalabriya (Gabbiya, 73), Tomori, Kalulu, Ernandes, Kessie, Bennaser (Krunich, 73), Salemakers (Messias, 46), Tonali (Braim Dias, 46), Jiru, Rafael Leau (Lazetich, 86).
Ogohlantirishlar: Ernandes (35), Shkrinyar (50), Tomori (90).
Izoh (0)