Европа Иттифоқи Украинадаги ҳарбий жиноятлар бўйича Россияга қарши бешинчи санкциялар пакетини тасдиқлади.
Евроиттифоқ, хусусан, россиялик жисмоний ва юридик шахсларга нисбатан санкциялар рўйхатини кенгайтирган. Унга яна 18 та ташкилот ҳамда 217 нафар жисмоний шахс киритилган.
Санкциялар рўйхатига киритилганлар қаторидан «Красная Звезда» медиахолдинги президенти Алексей Пиманов, «Комсомолская Правда» бош муҳаррири Владимир Сунгоркин, «ВГТРК» бош директори Олег Добродеев, «Московский комсомолес» бош муҳаррири Павел Гусеев, «ТАСС» бош директори Сергей Михайлов ва Мудофаа вазирлиги расмий вакили Игорь Конашенов ўрин олган.
Европа Иттифоқи Владимир Сунгоркинга нисбатан қўлланган санкцияларга асос сифатида у ўзининг расмий журналида Владимир Путин «Комсомолская Правда»ни «ўзининг севимли газетаси» деб атагани келтирилган.
Шунингдек, санкцияга учраганлар рўйхатига Путиннинг қизлари Мария Воронсова ва Катерина Тихонова, Кирил Шамалов (Тихонованинг собиқ турмуш ўртоғи), Игорь ва Борис Ротенберглар, Сулейман Керимовнинг ўғли Саид, Герман Греф ва Олег Дерипаска ҳам киритилган.
Рус компаниялардан эса «Русскиe машини», «Калашников» ва «Тактик ракета қуролланиш корпорацияси» концернлари санкциялар рўйхатидан ўрин олган. Евроиттифоқ бундан ташқари, «ВТБ», «ФК Откритие», «Новикомбанк» ва «Совкомбанк»ларга нисбатан блокловчи санкцияларни жорий этган.
Шунингдек, ДХР ва ЛХРнинг парламентлари ва ҳокимият органлари «деб аталувчи» депутатларига нисбатан чеклов чоралари қўлланган.
Аввалроқ Европа Иттифоқи Россия кўмирига эмбарго қўйишни маъқуллагани тўғрисида хабар берилганди.
Изоҳ (0)