«Ўзбекистон темир йўллари» АЖни Жаҳон банкини жалб этган ҳолда 2022 йил 1 июнга қадар трансформация қилиш, ривожлантириш ва хусусийлаштириш стратегияси ишлаб чиқилади. Бу ҳақда президентнинг «Тадбиркорлик муҳитини яхшилаш ва хусусий секторни ривожлантириш орқали барқарор иқтисодий ўсиш учун шарт-шароитлар яратиш борасидаги навбатдаги ислоҳотлар тўғрисида»ги қарорида сўз боради.
Бош вазир ўринбосари Жамшид Қўчқоров бошчилигидаги ишчи гуруҳ 2022 йил 1 августга қадар «Ўзбекистон темир йўллари» АЖни трансформация қилиш бўйича қуйидагиларни назарда тутувчи қарор лойиҳасини тайёрлайди:
- ўзининг йўловчи ва юк вагонларига эга хусусий операторлар фаолиятини ривожлантириш ҳамда темир йўл транспорти хизматлари бозорида рақобатни ривожлантиришга қаратилган шаффоф ва мослашувчан тариф тизимини яратиш йўли билан тариф сиёсатини такомиллаштириш;
- темир йўл транспорти корхоналарида операцион ва бизнес жараёнлар самарадорлигини ошириш, шу жумладан, хизмат кўрсатувчи ва истеъмолчи ўртасидаги муносабатларни рақамли трансформация қилиш йўли билан интеграциялаш;
- темир йўл орқали ички ва халқаро юк ҳамда йўловчи ташувларини давлат-хусусий шериклик ёки франшиза асосида хусусий секторга бериш.
2022 йилнинг мартида «Ўзбекистон темир йўллари» 2022—2023 йиллар учун 2,5 мингта лойиҳани ишга тушириш бўйича қабул қилинган дастурни 10 фоизга бажармагани сабаб корхона раиси вазифасини бажарувчи Хуснутдин Хасиловга ҳайфсан берилганди.
Изоҳ (0)