Мексика президенти Андрес Мануэль Лопес Обрадор ғарб мамлакатларининг Россияга қарши санкциялар жорий қилаётганига қарши чиқди. Унинг сўзларига кўра, низони мулоқот йўли билан ҳал этиб олиш керак.
«Мен БМТ ўз вазифасини бажара олмади деб ҳисоблайман, ташкилот мулоқотни ташкиллаштириши, муаммони музокаралар орқали ҳал этиш йўлларини излаши лозим. Урушнинг олдини олиш мумкин эди ва у бошланмасди. Санкциялар уруши ва қурол-яроғ жўнатмаси қайси бири яхшироқ? Ҳеч қайсиси! Беайб одамларнинг ҳалок бўлаётгани-чи? Сиёсат барбод бўлди, бироқ ҳали ҳам музокаралар столига ўтириб, масалани ҳал этиб олиш учун вақт етарли», — деган Мексика президенти матбуот анжуманида.
1 март куни Мексика Россияга қарши санкциялар жорий қилишни рад этган. Обрадор ушбу қарорини барча давлатларнинг ҳукуматлари билан яхши муносабатларни сақлаб қолиш нияти борлиги билан изоҳлаган.
Шунингдек, Мексика президенти мамлакат ҳукуматининг Украинага қуроллар етказиб бермоқчи эмаслигини маълум қилган.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)