Ҳайратда қолишингиз кафолатланган: бутунлай бошқа қиёфага кирган гримдаги юлдузлар (фото)

Актёрларнинг фильмдаги образи учун ажойиб ўзгаришлари баъзан томошабинларни қўрқувга ҳам солади. Режиссёр истагига кўра қаҳрамонига ўхшаш учун оғир ва мураккаб гримларга рози бўлган машҳурлар билан танишинг.Мишель Пфайффер, «Юлдузли чанг»

Мишел Пфайффер ижро этган жодугар Ламия — ёвуз ва жирканч кампир, у аллақачон сўнгги нафасини олаётган, аммо аввалги гўзаллигини қайтаришга ҳаракат қилаётган афсунгар. Баъзан у муваффақиятга эришади, шунда экранларда мафтункор Мишель Пфайффер пайдо бўлади.

Жон Траволта, «Соч лаки»

Жонни қопга ўхшаш аёллар кўйлагини кийишга кўндириш учун бир йилдан кўпроқ вақт кетган. Шу вақтгача Эдна Тарнблад каби мафтункор семиз аёл экранларда бўлмаган эди. Унинг қувноқ рақси барчанинг хотирасида қолди. «Мен бу ролни ўйнаш учун узоқ вақт давомида ўзимнинг эркаклик эгоим билан курашишимга тўғри келган», — деб тан олади Жон Траволта интервьюсида.

Кристиан Бэйл, «Машинист»

Голливуд юлдузи қаҳрамонига ўхшаши учун парҳез қилишга мажбур бўлди. Натижада Кристиан Бэйл 30 килограммгача озди. Қолгани гримёрларнинг санъати: унинг қаҳрамони Тревор Резник — хаёл ва ҳақиқат орасидаги тирик скелет томошабинларда ҳақиқий қўрқувни уйғота олди.

Николь Кидман, «Соатлар»

Папараццилар ҳам янги образдаги актрисани танимаган. Николь суратга олиш майдончасидан ташқарида ҳам қаҳрамони британиялик ёзувчи Виржиния Вулфники каби сохта бурунда юрган. Актриса янги роли учун чап қўлда ёзишни ҳам ўрганган.

Мила Кунис, «Буюк ва қудратли Оз»

Ғарбнинг ёвуз жодугари Мила ижросида даҳшатли ва исёнкор бўлиб чиқди. Моҳирона грим ўз ишини қилди: яшил тери, эгри тишлар, илгаксимон бурун, сариқ линзалар Милани ёқимли ва жозибадор қиздан йиртқич махлуққа айлантирди.

Ҳелена Бонем Картер, «Франкенштейн Мери Шелли»

Келинининг ўлими ҳақидаги хабардан юраги эзилган доктор Франкенштейн уни яна тирилтиришга қарор қилади. Табиийки, қизнинг аввалги гўзаллиги ва нозиклигидан асар ҳам қолмайди. Ҳелена Бонем Картернинг грими эса жуда даҳшатли бўлиб чиққан.

Жонни Депп, «Қора масса»

Машҳур мафиоз қиёфасини яратиш учун гримёрлар Деппнинг бошини сканерлашган. Ушбу процедура натижасида улар мос зичликдаги силикон қоплама ишлаб чиқди, бу эса актёрнинг юзига қарилик ва ёвузлик хусусиятларини бера олган.

Эдди Мерфи, «Тентак профессор»

Актёр ушбу фильмда еттита роль ўйнаган. Шу сабабли ҳам ҳар бир образининг грими кўп вақт талаб қилган. Агар дублёри Виржил Картер баъзи ишларни ўз зиммасига олмаганида, «Тентак профессор»га қийин бўларди.

Брэд Питт, «Бенжамин Баттоннинг сирли тарихи»

Қария Баттоннинг боши тўлиғича компьютерда қилинган. Гримёрлар ҳамма нарса ишончли бўлиши учун гўдак Бенжамин образига кўп вақт сарфлашган.

Уорвик Дэвис, «Лапрекон»

Голливуд юлдузининг бўйи 88 ​​сантиметр, аммо бу ҳолат унинг актёрлик шон-шуҳратига соя солмайди. Уорвик ўйнаган Лапрекон образи жаҳон даҳшатли фильмлари классикасига кирган.

Тим Рот, «Маймунлар сайёраси»

Айёр ва ақлли генерал Тейд ролини ўйнаган Тим Рот маймунлар ҳаракатининг пластиклиги ва хусусиятларини ўрганишига тўғри келган. Актёрнинг (шунингдек, бутун ижодий жамоанинг) ишини гримга қараб баҳолаш мумкин: фильм рассомлари ажойиб иши учун «Оскар» билан тақдирланган.

Гвинет Пэлтроу, «Севги ёмон»

Нозик ва жозибали Гвинет фильмни суратга олишнинг барча қийинчиликларига жасорат билан чидади. Қалин қатламли грим ва оғир комбинезонда юриш жуда қийин эди. Аммо Пелтроу ўзининг ижодий вазифасини аъло даражада бажарди.

Энн Хетэуэй, «Хўрланганлар»

Заводда ишлайдиган қиз Фантине роли учун махсус деталлар ва аксессуарларнинг бутун арсенали керак эди: контакт линзалари, чириган тишларга ўхшаш махсус пластиналар, ҳар хил париклар. Албатта, актрисанинг ҳам қойилмақом ижроси таҳсинга лойиқ. Шу туфайли ҳам Энн Хетэуэй мазкур роли учун «Энг яхши актриса« номинациясида «Оскар» билан тақдирланди.

Майкл Жексон, «Триллер»

Аввалига у яхши йигит, кейин бўри ва ниҳоят зомби. Ўз даврида Майкл Жексоннинг қўшиқ, мусиқа ва рақс билан бирга ижро этилган уч хил образи машҳур бўлган. Кўринишидан, таниқли хонанданинг истеъдодидан илҳомланган гримёрлар ҳам ўз ишларини юксак ижодий савияда бажарган.

Сюзан Сарандон, «Сеҳрланган»

Эртак мультфильм оламидаги ёвуз малика Нарисса одамлар жамиятига кириб, ажойиб гўзал аёлга айланади. Аммо жодугарнинг ёвуз мақсади ҳали ҳам устунлик қилади, шу туфайли гўзал аёл вақти-вақти билан жирканч афсунгарга айланади.

Моника Беллуччи, «Ака-ука Гриммлар»

Сочлари оқарган, хунук юзи чуқур ажинларга тўла, баҳайбат тирноқлари билан ўз қасрида ўтирган кекса аёл гўзал Моника Беллуччи ўйнаган образлардан биридир. Бироқ Моника кексайишдан қўрқмаслигини ва ўзини қария ролида кўришга жуда қизиқаётганини айтган.