Таниқли турк актёри Ўзжан Дениз Фейза Актан билан ажрашгач, яна оила қуришга қарор қилди.
Бу сафар Ўзжаннинг қалбини эронлик 27 ёшли дизайнер – Самар Дадгар забт этди. Актёрнинг ўзи унга турмуш қуриш таклифини билдирганини маълум қилган.
Хабар берилишича, Самар таклифга розилик билдирган, аммо Ўзжаннинг онаси бу никоҳга ва ўғлининг навбатдаги ўзидан анча ёш қиз билан муносабатига қарши.
Маълум бўлишича, дизайнер ва туркиялик машҳур актёрнинг ўртасидаги ишқий муносабатлар 2021 йилнинг ёзида Ўзжаннинг «Сени узоқ кутдим» номли янги лойиҳасини суратга олиш вақтида бошланган. Жуфтлик муносабатларини узоқ вақт сир сақлади, аммо ҳис-туйғулар жиддий эканига ишонч ҳосил қилгандан сўнг, уни ошкор қилишга қарор қилди.
Эслатиб ўтамиз, Ўзжан Дениз ўзбек томошабинларига «Ишкомли уй», «Июнь оқшоми» ва «Истанбуллик келин» сериаллари орқали таниш.
Изоҳ (0)