Ўзбекистон Қозоғистон билан эмланганлик сертификатларини тан олиш бўйича келишувга эришди. Бу ҳақда Санитария-эпидемиология хизмати хабар қилди.
Қайд этилишича, энди томонларда эмланганлик тўғрисидаги сертификатлар мавжуд бўлганда ПЗР усули бўйича COVID тест натижаси салбий бўлган сертификатларни тақдим этиш талаб этилмайди.
Шунингдек, 5 ёшгача бўлган болаларга ҳамроҳ бўлган шахслар учун эмлаш сертификатлари мавжуд бўлса, ПЗР-тестидан ўтганлик тўғрисидаги гувоҳнома тақдим этиш талаб қилинмайди.
5 ёшдан ошган болалар, ҳамроҳлик қилувчи шахсларнинг эмлаш сертификатлари бор-йўқлигидан қатъи назар, ПЗР-тестидан ўтганлик тўғрисидаги гувоҳномани тақдим этиши шарт.
Келишув жорий йилнинг 18 мартидан амал қилишни бошлаган.
Эслатиб ўтамиз, Ўзбекистон бундан аввал Буюк Британия, Тожикистон ва Туркия билан ҳам эмланганлик сертификатларини ўзаро тан олиш келишувига эришган.
Аввалроқ Ўзбекистон фуқаролари ва чет эллик сайёҳлар учун чегараларни кесиб ўтишнинг амалдаги тартибига қўшимчалар киритилаётгани хабар қилинганди. Унга кўра, энди 12 ёшгача бўлган болаларни Ўзбекистонга олиб киришда ПЗР-тестини тақдим этиш талаб қилинмайди.
Изоҳ (0)