Ижтимоий тармоқларда Самарқанд шаҳридаги мактабгача таълим ташкилотларидан бирида тарбиячи болаларни қўрқитиш учун игна тиқиб азоблаб келгани ҳақида хабарлар тарқалди. Самарқанд вилояти Ички ишлар бошқармаси ҳолатга муносабат билдирди.
Айтилишича, ҳолат шаҳардаги Голден кидс хусусий боғчасида содир бўлган. Болаларни ухлатиш ва гапини ўтказиш учун боғча тарбиячиси уларга игна тиқиб қўрқитиб келган.
«Ҳозирда тарқалган маълумот вилоят ИИБ томонидан ўрганилмоқда. Натижаси бўйича маълумот берилади», — дейилади хабарда.
Самарқанд вилояти Мактабгача таълим бошқармаси ҳам ҳолатга муносабат билдириб, ўрганиш ишлари олиб борилаётганини, батафсил маълумот берилишини маълум қилди.
Мавзуга доир:
- Самарқанддаги боғчада тарбиячиларнинг эътиборсизлиги сабаб 4 яшар бола калтакланди
- Фарғонада боғча болаларини тинчлантириш учун темир қошиқдан фойдаланиб, 4 ёшли боланинг бир кўзидан айрилишига сабабчи бўлган тарбиячига суд ҳукми ўқилди
- Наманганда боғчада танасининг 70 фоизи қайноқ сувдан куйган бола вафот этди. Ҳодиса рўй берганидан икки ой ўтиб жиноят иши қўзғатилди
Изоҳ (0)