Карим Бензема «Барселона»га қарши баҳсни ўтказиб юборади.
«Реал» ҳужумчиси якшанба кунги ўйинга қадар кичик жароҳатидан тузалмайди. 34 ёшли ҳужумчи Франция терма жамоасининг Кот-д’Ивуар ва ЖАРга қарши ўйинларини ҳам ўтказиб юборади.
Карим Ла Лиганинг 28-туридан ўрин олган «Мальорка»га қарши баҳсда жароҳат олганди.
Мадрид клуби 20 март куни «Барселона» билан ўйнайди.
Аввалроқ Бензема фаолиятидаги голлари сонини 413 тага етказиб, футбол тарихидаги энг яхши франциялик тўпурарга айланганди.
Карим Бензема 2009 йилда «Лион»дан «Реал Мадрид» сафига ўтган эди. Мадридликлар футболчи учун 35 миллион евро тўлаган. 34 ёшли футболчи 2021/22 йилги мавсум Ла Лигада 24 та ўйинда 20 та гол уришга муваффақ бўлди.
Изоҳ (0)