Бугун,

  • USD 11095.31
  • RUB 173.84
  • EUR 10772.44

«Тоттенҳэм» ҳужумчиси Ҳарри Кейн «шпорлар» сафида кетма-кет 7 ўйиндан буён гол уриб келмоқда.

Фото: Getty Images

Фото: Getty Images

«Тоттенҳэм» ҳужумчиси АПЛнинг 27-тури доирасида «Брайтон»га қарши баҳсда (2:0) ўз ҳисобига гол ёздириб қўйди. Аввалроқ «Манчестер Сити» (3:2) ва «Эвертон»га (5:0) қарши баҳсларда дубль қайд этганди, ундан ташқари «Лидс» (4:0) ва «Манчестер Юнайтед»га (2:3) қарши ўйинларда ҳам гол урган.

28 ёшли Кейн АПЛ жорий мавсумидаги 12-голини урди ва Криштиану Роналду, Диогу Жота, Садио Мане билан биргаликда тўпурарлар рўйхатида иккинчи ўринни эгаллаб турибди. Муҳаммад Салоҳ 20 та гол билан етакчилик қилмоқда.

Ҳарри Кейн АПЛда яна бир натижани қайд этди. «Шпорлар» ҳужумчиси АПЛнинг меҳмондаги ўйинларида 95 та голга муаллифлик қилди. «Брайтон»га қарши баҳс инглиз футболчиси учун меҳмондаги 139-ўйин бўлди.

Кейн Уэйн Рунини ортда қолдириб, мусобақа тарихида меҳмондаги ўйинлар бўйича энг яхши тўпурарга айланди. Руни ҳисобида 243 та ўйинда 94 та гол мавжуд эди.

Ўтган мавсум Ҳарри АПЛда бир клуб сафида сафарда урилган голлар сони бўйича рекордни янгилаганди.

Маълумот учун, Ҳарри Кейн «Тоттенҳэм» тарбияланувчиси ҳисобланади. Футболчи фаолияти давомида «Лейтон Orient», «Миллуолл», «Норвич» ва «Лестер» шарафини ҳимоя қилган. 2013 йилдан буён «шпорлар» сафида тўп суриб келади. 2021/22 йилги мавсум барча мусобақаларда 40 та ўйинда майдонга тушиб, 22 та голга муаллифлик қилди.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди