Ўзбекистон Республикаси мудофаасига кўмаклашувчи «Ватанпарвар» ташкилоти Марказий кенгашида бўлиб ўтган Ўзбекистон биатлон федерациясининг навбатдан ташқари II конференциясида мудофаа вазирининг ўринбосари Қодиржон Турсунов федерация раиси лавозимига сайланди. Бу ҳақида Мудофаа Вазирлиги матбуот хизмати маълум қилди.
Йиғилишда федерация раиси ва раис ўринбосари лавозимларига номзодлар кўриб чиқилди. Йиғилиш иштирокчилари томонидан бир овоздан «Ватанпарвар» ташкилоти Марказий кенгаши раиси ўринбосари Алишер Абдусаматов биатлон федерацияси раис ўринбосари лавозимига сайланди.
Эслатиб ўтамиз, 2022 йилнинг январь ойида Адлия вазирлиги томонидан Ўзбекистон Биатлон федерацияси давлат рўйхатидан ўтказилган эди.
Маълумот учун, 18 февраль куни Туризм ва спорт вазирлиги иккита алоҳида, Туризм ва маданий мерос ҳамда Спортни ривожлантириш вазирликларига бўлинган эди. Спортни ривожлантириш вазири сифатида Адҳам Икромов тайинланганди. Авазжон Каримов эса 9 март куни спортни ривожлантириш вазирининг маслаҳатчиси этиб тайинланганди.
Изоҳ (0)