Мексика лигасидан ўрин олган «Керетаро» ва «Атлас» ўртасидаги ўйин мухлисларнинг муштлашуви туфайли тўхтатилди.
Трибунада оммавий жанжаллар содир бўлгандан сўнг, 62-дақиқада ўйин тўхтатилган. Хавфсизлик хизмати ходимлари мухлислар, жумладан аёллар ва болалар трибунани тарк этиши учун майдонга олиб чиқувчи дарвозаларни очган.
«Атлас»нинг барча футболчилари, «Керетаро»нинг эса айрим вакиллари майдонни тарк этишга улгурган. «Керетаро»нинг айрим ўйинчилари майдонда қолиб, мухлисларни тинчлантиришга уринган.
Бир неча дақиқадан сўнг футбол майдонининг ўзида ҳам муштлашувлар бошланиб кетган. Баъзилар бир-бирини арматура ва стуллар билан калтаклаган.
Расмий маълумотларга кўра, тартибсизликлар оқибатида 22 киши жароҳатланган, уларнинг 9 нафари шифохонага етказилган, 2 киши оғир аҳволда. Айрим ОАВ 17 киши ҳалок бўлгани ҳақида ёзмоқда.
Аввалроқ Португалия чемпионатида «Порту» ва «Спортинг» ўртасидаги баҳс футболчиларнинг оммавий жанжали билан ниҳоясига етганди.
Изоҳ (0)