Бугун,

  • USD 11095.31
  • RUB 173.84
  • EUR 10772.44

ДХР (Донецк Халқ Республикаси) ва ЛХР (Луганск Халқ Республикаси) мустақиллигини тан олиши сабабли УЕФА Чемпионлар Лигаси финалини Россиядан тортиб олишни режалаштирмаяпти.

Фото: «The Guardian»

Фото: «The Guardian»

Ташкилот Россия ва Украина ўртасидаги беқарор муносабатларга қарамай, мусобақа финалини Санкт-Петербургда ўтказишни режалаштирмоқда, дея хабар беради The Guardian нашри.

«УЕФА вазиятни мунтазам кузатиб боряпти. Ҳозирда финални бошқа жойга кўчириш ҳақида ҳеч қандай режа йўқ», — дейилади ташкилот баёнотида.

Кейинчалик вазиятга сиёсатчилар ҳам аралашди. Буюк Британия бош вазири Борис Жонсон УЕФАга финални кўчириш масаласини ўйлаб кўришни маслаҳат берди: «Россия тобора яккаланиб бормоқда. У қувғин мақомини олди... Мустақил давлатларни босиб олишга ҳаракат қилаётган Россиянинг футбол мусобақаларини ўтказишга ҳеч қандай ҳаққи йўқ».

Унинг позициясини Буюк Британия спорт, ОАВ ва маданият вазири Надин Доррис ҳам қўллаб-қувватлади. «Россияда ўтказиладиган Чемпионлар Лигаси финали каби спорт тадбирларидан жиддий хавотирдаман ва буни тегишли бошқарув органлари билан муҳокама қиламан», — деб ёзиб қолдирди Доррис ўз Twitter саҳифасида.

Лондон мери Содиқ Хон эса ЕЧЛ финалини Англия пойтахтида ўтказишга тайёр эканини билдирди: «Лондон Чемпионлар Лигаси финалини қабул қилишга тайёр. Агар УЕФА финални Петербургда ўтказса, бу билан Путин Россиясининг тажовузкор ҳаракатларини мукофотлаган бўлади».

Чемпионлар Лигаси 2021/22 йилги мавсуми финали 28 май куни Санкт-Петербургдаги «Газпром Арена» стадионида бўлиб ўтади.

Маълумот учун Россия президенти Владимир Путин 21 февраль куни ДХР ва ЛХР мустақиллигини тан олиш тўғрисидаги фармонларни имзолади. Шу сабаб бир қатор нашрлар нуфузли мусобақа финали бошқа мамлакатда ўтказилиш эҳтимоли борлигини ёзиб чиқди.

Изоҳ
Асосий янгиликлар
Дунё
Охирги 100 йил ичида содир бўлган дунёдаги энг кучли 10 та зилзила (видео+фото)
Дунё
Польша бош вазири Украинадаги уруш учинчи жаҳон урушига айланишини прогноз қилди
Дунё
Қозоғистонда икки яшар бола 11 та магнитни ютиб юборди (фото)