Ўзбекистон АҚШдан 8,5 миллион долларга учувчисиз учиш қурилмалари сотиб олиши ҳақида хабар берилганди. Мудофаа вазирлиги ахборот хизмати хабарни рад этиб, учувчисиз учиш аппаратини сотиб олиш режалаштирилмаганини маълум қилди.
«Ҳеч кимга сир эмаски, америкалик учувчисиз учиш аппаратлари ишлаб чиқарувчилари бу борада етакчилардан бири ҳисобланади, шунинг учун ҳам Ўзбекистонлик мутахассислар томонидан уларга маълум қизиқиш билдирилмоқда, бироқ бугунги кунга қадар PUMA – RQ 20 учувчисиз учиш қурилмаси сотиб олиш масаласи кўтарилмаган», – дейилади вазирлик хабарида.
Shephard Defence Insight маълум қилишича, самолётларнинг бир донаси 225 000 долларга баҳоланган.
Учувчисиз учиш қурилмаси реал вақтда тасвирлар орқали қуруқлик ёки денгиздан разведка ҳамда мақсадли маълумотларни тақдим этади. Самолёт AeroVironment томонидан Mantis i45 AE Gimbal тизими билан жиҳозланган бўлиб, у 50х zoom (тасвирни яқинлаштириш), IR имкониятлари ва юқори қувватли ёритгичга эга иккита 15 мегапикселли камерани ўз ичига олади.
Изоҳ (0)