Ўзбекистоннинг 2022—2026 йилларга мўлжалланган Тараққиёт стратегиясига мувофиқ, 2022 йилда гидроэнергетика соҳасида умумий қуввати 173 мегаватт бўлган 7 та лойиҳа ишга туширилади. Бу ҳақда Энергетика вазирлиги хабар қилди.
Қайд этилишича, 2022 йилда гидроэнергетика соҳасида қуйидаги лойиҳалар амалга оширилади:
- Самарқанд вилоятида 3 та янги гидроэлектр станция қурилади;
- Сурхондарё, Самарқанд ва Тошкент вилоятларидаги мавжуд 4 та гидроэлектр станция модернизация қилинади.
Эслатиб ўтамиз, Шавкат Мирзиёев 10 декабрь куни «Гидроэнергетикани янада ривожлантириш бўйича қўшимча чора-тадбирлар тўғрисида»ги қарорни имзолади. Унга кўра, 2030 йилда республикадаги гидроэлектр станциялари қуввати 3416 мегаваттга (+66,5 фоиз) етказилади.
Шунингдек, яқин беш йил ичида Ўзбекистонда умумий қуввати 740 мегаватт бўлган 21 та йирик ГЭСларни қуриш режалаштирилаётгани тўғрисида хабар берилганди.
Изоҳ (0)