Instagram: Тошкентда ош дамлаган машҳур турк ошпази, янги уй сотиб олган Муниса Ризаева, Лола ҳаётидаги энг ёмон кун

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

«Эртага нима бўлишини билмаймиз, асосийси у келсин ҳамда унда барча яқинларимиз бўлсин», — дея изоҳлади Шаҳзода ўғли Халид билан тушган суратини.

Кўчмас мулк олди-сотдиси билан ҳам шуғулланадиган хонанда Муниса Ризаева пойтахтдан яна бир уй харид қилганини маълум қилди.

Нилуфар Усмонова Дубайдан Тошкентга қайтди ҳамда қизғин ижодни бошлади.

Хонанда Шаҳноза Отабоева ортиқча вазндан халос бўлиш учун жарроҳлик амалиётига мурожаат қилди. У операциядан сўнг ўзини яхши ҳис этаётганини билдирди.

Умид Искандаров ва Машҳура Зулфиқорова Лола Аҳмедованинг янги клипида жуфтлик образини яратмоқда.

Ўзбекистон халқ артисти Тўти Юсупова бир неча ойлик танаффусдан сўнг Миллий театр саҳнасида кўриниш берди.

Баҳора Арслонова ҳар қандай муваффақиятли эркак ортида кучли аёл туриши ҳақида пост ёзди.

Дурдона Қурбонова иккинчи марта iPhone 13 Pro Max телефонини синдириб қўйди.

«Минг бир кеча» деб номланган янги сериалда бош ролларни Барчин Ғофурова ва Ситора Алимжонова ижро этмоқда.

Актриса Зебунисо Холиқова турмуш ўртоғининг туғилган кунига романтик совға тайёрлади ҳамда совға турмуш ўртоғи томонидан қандай кутиб олингани акс этган видеони саҳифасига жойлади.

Лола отаси Равшан Йўлдошев вафот этган сана унинг ҳаётидаги энг ёмон кун эканлигини маълум қилди.

Туркиялик дунёга машҳур ошпаз-мем Бурак Ўздемир бир неча кун Тошкентда бўлди. У тадбиркор Ботир Раҳимов ҳамда унинг рафиқаси Диёра Усмонова билан танишди.

Шунингдек, ошпаз Тошкентда илк марта ўзбек ошини пишириб, тандирда сомса ҳам тайёрлаб кўрди.