«Барселона» президенти Хоан Лапорта Жозеп Бартомеу бошчилигидаги аввалги раҳбариятнинг молиявий қаллобликлари ҳақида гапирди.
Раҳбарият бизда қандай ресурслар мавжудлигини билиш учун клубнинг иқтисодий ҳолатини таҳлил қилмоқчи эди. Тегишли текширувни ўтказганимиздан сўнг, баъзи шубҳали операцияларни аниқладик.Бартомеу фаолиятига доир кўплаб танқидлар сабаб 2020 йилнинг октябрида муддатидан аввал истеъфо бергач, Хоан Лапорта 2021 йилнинг март ойида клубнинг янги президенти этиб сайланди.Асоссиз, инсофсиз ва номутаносиб тўловлар аниқланди. Бу эса клуб бюджети нотўғри бошқарилгани, бу ишга алоқадор инсонларнинг бойиб кетганини тасдиқлайди.
Тўпланган барча ҳужжатлар прокуратурага топширилди. Уларда инкор этиб бўлмайдиган маълумотлар мавжуд. Сосьослар (клуб мухлислари) жамоанинг бундай аянчли ҳолатга келиб қолишига нима сабаб бўлганини билишлари учун ҳам бу ишни қилишимиз лозим эди.
Ҳайратдаман. Фактларни хабар қилишга қарор қилдик, чунки биз полиция ёки суд эмасмиз ва суд жараёнларида клуб ресурсларидан фойдаланмоқчи эмасмиз. Прокуратура айбдорларни аниқлайди.
Хоан Лапорта, «Барселона» президенти
Маълумот учун, Хоан Лапорта 2003—2010 йиллар давомида ҳам «Барселона» президентлиги вазифасини бажарган. Унинг бошқарувида Каталония клуби тўрт бор Ла Лига ва икки марта Чемпионлар Лигасида муваффақият қозонган.
Изоҳ (0)