00:52, 26.01.2022 97383

Ўзбекистон ҳудудларидаги электр энергияси таъминоти билан боғлиқ янги маълумотлар эълон қилинди

Энергетика вазирлиги 26 январь соат 00:00 ҳолатига кўра, республика ҳудудларида электр энергияси таъминоти билан боғлиқ ҳолат юзасидан қўшимча маълумот берди.

Қорақалпоғистон Республикаси — электр таъминоти тўлиқ мавжуд;

Андижон вилояти — Андижон шаҳар 30 фоиз, Хонабод 100 фоиз мавжуд, асосий тиббиёт муассасалари электр таъминотига уланган;

Бухоро вилояти — Қоракўл 100 фоиз, Қоравулбозор 100 фоиз, Бухоро шаҳар 10 фоиз электр энергияси мавжуд;

Жиззах вилояти — Барча туманларда 70 фоиз аҳоли истеъмолчилари электр энергияси билан таъминланган;

Қашқадарё вилояти — Қарши шаҳар 5 фоиз, Ғузор тумани 70 фоиз уланган. Муборак туманидаги газни қайта ишлаш заводларида электр энергияси таъминоти тикланди;

Навоий вилояти — Навоий шаҳрида 100 фоиз, Ғазғон шаҳрида 100 фоиз, Кармана туманида 100 фоиз, Навбахор туманида 100 фоиз, Конимех туманида 100 фоиз, Зарафшон шаҳрида 100 фоиз, Учқудуқ туманида 100 фоиз, Нурота туманида 100 фоиз, Томди тумани 100 фоиз ва Хатирчи туманида 90 фоиз электр мавжуд;

Наманган вилояти — Наманган шаҳар 8 фоиз, Поп тумани 2 фоиз электр мавжуд;

Самарқанд вилояти — Самарқанд шаҳрида 95 фоиз, Самарқанд тумани 65 фоиз, Пахтачи туманида 100 фоиз, Каттақўрғон тумани 70 фоиз, Каттақўрғон шаҳри 100 фоиз, Нарпай тумани 95 фоиз, Нуробод тумани 95 фоиз, Пастдарғом тумани 30 фоиз, Булунғур туманида 100 фоиз, Жомбой туманида 100 фоиз, Тойлоқ туманида 100 фоиз, Қўшработ туманида 50 фоиз, Иштихон туманида 50 фоиз Ургут тумани 70 фоиз электр мавжуд;

Сурхондарё вилояти — Денов, Сариосиё, Узун туманлари ва Денов шаҳри 100 фоиз, Олтинсойда 70 фоиз электр мавжуд;

Сирдарё вилояти — Гулистон шаҳри 60 фоиз, Янгиер 60 фоиз, Ширин шаҳри 100 фоиз, Боёвут 21 фоиз, Сайхунобод тумани 20 фоиз, Гулистон тумани 19 фоиз, Мирзаобод тумани 10 фоиз, Ховос тумани 30 фоиз электр мавжуд;

Тошкент вилояти — Ангрен шаҳар 95 фоиз, Бекобод шаҳар 100 фоиз, Нарафшон шаҳар 40 фоиз, Олмалиқ шаҳар 100 фоиз, Чирчиқ 80 фоиз, Оҳангарон шаҳар 100 фоиз, Бўка тумани 40 фоиз, Бўстонлик тумани 80 фоиз, Зангиота тумани 25 фоиз, Қибрай тумани 95 фоиз, Оҳангарон тумани 80 фоиз, Паркент тумани 80 фоиз, Тошкент тумани 80 фоиз, Ўрта Чирчиқ 20 фоиз, Юқори Чирчиқ тумани 60 фоиз, Янгийўл туман 5 фоиз электр таъминотига уланган;

Фарғона вилояти — Фарғона шаҳар 35 фоиз, Қўқон шаҳри 45 фоиз, Марғилон шаҳар 10 фоиз, Киргили шаҳри 10 фоиз, Қувасой шаҳар 5 фоиз, Олтиариқ тумани 5 фоиз, Қўштепа тумани 25 фоиз, Бағдод тумани 10 фоиз, Бувайда тумани 15 фоиз, Бешариқ тумани 25 фоиз, Учкўприк тумани 5 фоиз, Қувасой тумани 5 фоиз, Тошлоқ тумани 5 фоиз, Риштон тумани 5 фоиз, Ўзбекистон тумани 17 фоиз, Фарғона тумани 15 фоиз, Данғара тумани 30 фоиз, Ёзёвон тумани 5 фоиз, Сўх тумани 100 фоиз, Фурқат тумани 50 фоиз электр таъминотига уланган;

Хоразм вилояти — электр таъминоти тўлиқ мавжуд;

Тошкент шаҳри — Мирзо Улуғбек 100 фоиз, Юнусобод 80 фоиз, Шайхонтоҳур 50 фоиз, Олмазор 50 фоиз, Яккасарой 60 фоиз, Чилонзор 60 фоиз, Яшнобод 90 фоиз, Миробод 70 фоиз, Сергели 70 фоиз, Янгихаёт 70 фоиз, Бектемир 80 фоиз, Учтепа 50 фоизда электр таъминоти мавжуд.

Ўзбекистонда кузатилган электр энергиясининг йирик носозлиги хронологияси

25 январь куни соат 11:00 ларда Ўзбекистоннинг қатор вилоятларида электр энергияси таъминоти узилди. Тошкент метрополитени фаолияти ҳам тўхтаган, Республикадаги барча поездлар ўз манзилларига кечикиб етиб бориши айтилмоқда. Тошкент шаҳар ИИББ эса тибандликларнинг олдини олиш мақсадида кўчага зарурат бўлмаса, шахсий машинада чиқмасликни тавсия қилмоқда.

Энергетика вазирлиги маълумотларига кўра, ҳозирда Тошкент вилоятидаги Чорвоқ, Ҳожикент ва Товоқсой гидроэлектр станциялари, Навоий вилоятидаги Навоий иссиқлик электр станцияси, Қорақалпоғистон Республикасидаги Тахиатош иссиқлик электр станцияси ҳамда Фарғона вилоятидаги Фарғона иссиқлик электр маркази орқали энергетика тизимига қувват узатиш бошланган.

Кейинроқ Президент матбуот котиби Шерзод Асадов «вазият шахсан президент назорати остида» эканини маълум қилиб, фуқароларни саросимага тушмасликка чақирди. Шавкат Мирзиёев топшириғи билан электр энергиясида кузатилаётган носозлик бўйича комиссия тузилди. Энергетика вазирлиги Қорақалпоғистон ва Хоразмда электр энергияси тўлиқ тикланганини хабар қилди. Тошкент шаҳри ва Сирдарё вилоятининг бир қатор ҳудудларида ичимлик суви таъминоти тикланди. Тошкент ИЭСнинг фаолияти қисман тикланиб, 7 та энергоблокдан 5 таси барқарор иш фаолиятига келтирилди.

Энергия танқислиги ортидан Ўзбекистон Афғонистонга электр энергияси етказиб беришни тўхтатди. Газли, Шўртан ҳамда Муборак нефть ва газ қазиб чиқариш бошқармаларидаги 64 та кон фаолиятини вақтинча тўхтатди.

ССВ Зангиота ковид-марказларидаги электр энергияси билан боғлиқ ҳолат юзасидан маълумот берди.

Энергетика вазирлиги 25 январь, соат 22:30 ҳолатига кўра, республика ҳудудларида электр энергияси таъминоти билан боғлиқ ҳолат юзасидан қўшимча маълумот берди.

Бошқа янгиликлар