Бухоро вилояти Ғиждувон туманида 9 январь куни маст эркак қайнотасининг Nexia-2 автомашинасини олиб қочиб кетди. Бу ҳақда Тергов департаменти хабар қилди.
Қайд этилишича, 12-куни туманнинг «Биёсин» маҳалласида яшовчи И.Ҳ. (1971 йилда туғилган) ички ишлар бўлимига ариза билан мурожаат қилган. У 9 январь куни соат тахминан 17:00 да куёви А.И. (1991 йилда туғилган) яшаш уйига ҳеч ким йўқлигидан фойдаланиб киргани ва ғайриқонуний равишда Nexia-2 автомашинасини олиб қочиб кетганини билдирган. Қайнота куёвига нисбатан қонуний чора кўрилишини сўраган.
Олиб борилган тергов-тезкор ҳаракатлар давомида ЙПХ инспекторлари 10 январь соат 01:25 да А.И. олиб қочган автомашинаси Бухоро шаҳри ҳудудида бирор-бир ҳужжатсиз, спиртли ичимликлар таъсирида бошқариб юрганида қўлга олган. Унга нисбатан белгиланган тартибда маъмурий баённома расмийлаштирилиб, автомашина жарима майдончасига жойлаштирилган.
Ҳолат юзасидан А.И.га нисбатан Жиноят кодексининг 267-моддаси 1-қисми (транспорт воситасини олиб қочиш) билан жиноят иши қўзғатилган.
Изоҳ (0)